Makina qe lexon mendimet dhe i perkthen ato ne tekst
Shkencëtarët kanë zhvilluar një makinë të mahnitshme të leximit të mendjes, e cila mund të përkthejë atë që po mendoni dhe menjëherë ta shfaqë atë si tekst.
Ata pretendojnë se ajo ka një normë saktësie prej 90 për qind ose më shumë dhe thotë se funksionon duke interpretuar bashkëtingëlloret dhe zanoret në trurin tonë. Hulumtuesit besojnë se makina mundet që një ditë të ndihmojë pacientët që vuajnë nga kufizime që nuk u lejojnë atyre të flasin ose të lëvizin.
Makina regjistron dhe analizon kombinimin e zanoreve dhe bashktingëlloreve që përdorim kur ndërtojmë një fjali në trurin tonë.
Ai interpreton këto fjali bazuar në sinjale nervore dhe mund t'i përkthejë ato në tekst në kohë reale. Në fakt, shkencëtarët pohojnë se makina mund të përdorë fjalë që as nuk i ka dëgjuar më parë. Udhëheqësi i studimit David Moses u shpreh: 'Asnjë vepër e botuar nuk ka demonstruar klasifikim në kohë reale të fjalive nga sinjalet nervore.
"Duke pasur parasysh performancën e ekspozuar nga makina në këtë punë dhe kapacitetin e saj për zgjerim, ne jemi të sigurt në aftësinë e saj për të shërbyer si një platformë për pajisjen e propozuar protesike të fjalës". Ekzistojnë frika nga kritikët, megjithatë, se pajisja do të shkaktojë probleme nëse mendimet sekrete janë të ekspozuara aksidentalisht.
Pajisja u prezantua në universitetin e Kalifornisë dhe u trajtua gjithashtu në nje artikull të posaçëm në gazetën e inxhinierisë të neuroneve.
