10.000 stacione per ngarkimin e makinave elektrike nga Tesla

Planet e Elon Musk për vitet e ardhshme janë mjaft ambicioze. Ndërmjet punës në një Hyperloop dhe një misioni në Mars, miliarderi ka zbuluar se si ai dëshiron të transformojë rrugët tona. 

Planet e tij të fundit përfshijnë zgjerimin e rrjetit të Tesla 'Superchargers' për automjetet elektrike. Sipërmarrësi dëshiron të ketë më shumë se 10,000 Superchargers në mbarë botën deri në fund të vitit të ardhshëm për të lejuar që shoferët e Tesla të ngarkojnë automjetet e tyre elektrike brenda disa minutave. Në një tweet të kohëve të fundit, Musk zbuloi një hartë ku tregohet saktësisht se ku do të jenë Superchargers të saj, së bashku me detajet se kur do të ndërtohen. Aktualisht, Tesla ka 1.200 stacione të Supercharger me 9,800 Superchargers në mbarë botën. Ngarkuesit i lejojnë pronarët e Tesla të rimbushin makinat e tyre në 80 përqind brenda gjysmë ore por në disa zona ato mund të jenë pak dhe shumë larg. 

Musk ka në plan ta ndryshojë këtë. Ai kohët e fundit ka publikuar një hartë të përditësuar në përgjigje  të shqetësimeve të pronarëve të Tesla për shkak të mungesës së stacioneve pranë tyre. Në hartë, stacionet e kuqe shënojnë ngarkuesa që aktualisht ekzistojnë dhe ato gri janë caktuar të përfundojnë së shpejti. Harta tregon se si Evropa, Amerika Veriore dhe Kina do të jenë vendet kryesore për Ngarkuesit e makinave elektrike të Tesla. Në Mbretërinë e Bashkuar, Milton Keynes, Crawley dhe Brighton janë gjithashtu ndër vendet që do të përfitojnë nga stacionet e reja të ngarkimit me energji për makinat elektrike Tesla që pritet të ndërtohen deri në fund të vitit 2019. Vende të tjera për të marrë Ngarkuesit përfshijnë Londër, Leicester, Oxford, Belfast dhe Aberystwyth. Në SHBA, Superchargers të reja po vijnë gjithashtu edhe në Uashington, Filadelfia, Atlanta, Nju Jork. 

Musk kohët e fundit zbuloi se po punon për zhvillimin e supercharger më të fuqishëm që do të jetë në dispozicion në 'fund të verës'. Ngarkesat e tanishme të Supercharger kanë një kapacitet prej 120kW dhe versioni i ri mund të dyfishojë këtë ngarkesë. Tesla po punon gjithashtu për diçka të njohur si Megachargers që do të furnizojnë me energji Tesla Semi. Musk më parë ka qenë kritik ndaj rrjetit europian të ngarkimit të krijuar nga BMW, Daimler, Ford dhe Volkswagen Group i cili ka një kapacitet ngarkues deri në 350kW. Musk ka thënë se ai është i hapur për të lejuar prodhuesit e tjerë elektrikë që të konfigurojnë automjetet e tyre për të qenë në gjendje të përdorin Superchargers, për aq kohë sa ata paguajnë për të. 

Më të lexuarat