Secondary Adv

Amazon po krijon nje flote me 20.000 furgona per shperndarje

Share on Google+

Amazon është duke bërë hapa para në lidhje me shërbimin e shpërndarjes për shkak se tashmë po ndërton flotën e saj te makinave.    

 

Firma ka njoftuar se tashmë ata kanë porositur 20,000 furgona për programin e saj të ri të shpërndarjes, në të cilin firma kontraktore nga e gjithë bota mund të nisin biznese të cilat shpërndajnë pako për shitësin online. Sipas kompanisë dhjetra mijëra njerëz kanë aplikuar për programin që ata kanë njoftuar në muajin qershor, dhe iu desh te rriste numrin e porosisë së furgonave nga 4.500 në 20,000 të tillë. Furgonat të cilët përmbajnë një logo buzeqeshjeje blu, mund të përdoren nga firmat kontraktore për të shpërndarë pako. Programi i shpërndarjes është pjesë e planit të Amazon për të fituar më shumë kontroll mbi mënyrën se si pakot janë shpërndarë.  

 

Me anë të kësaj Amazon.com.inc, mund të varet më pak në shërbimet e tjera të shpërndarjes siç janë UPS, FedEx si dhe shërbimi postar amerikan. Një nismë e tillë do të thotë që pakot e Amazon të cilat zakonisht vijnë me një kamion të UPS ose nëpërmjet një automjeti të pa identifikuar, apo përmes postës, mundet që së shpejti të shpërndahen nga një furgon i Amazon. Falë një gjëje të tillë Amazon thotë se tashmë blerësit mund të kenë më shumë informacion të përditësuar rreth pakos së tyre, si psh, nëse është rrugës apo në rast se ata duan të ndryshojnë vendodhjen e shpërndarjes së pakos. Të gjitha këto shërbime nuk mund të ofroheshin përmes shpërndarjes së zakonshme pasi nuk kishte një sistem të përbashkët që monitorohej dhe ofronte të dhëna herë pas here. Por Amazon ka pasur suksese të tilla të ngjashme edhe më parë, pasi Amazon ka flotën e vet të avionëve të ngarkesave të quajtur 'Prime Air'.   

 

Dave Clark, zëvendës presidenti i Amazon tha se programi i ri është një mënyrë për të siguruar që kompania mund të rrisë numrin e saj të porosive dhe shpërndarjeve si rrjedhojë. Përmes programit, Amazon tha se mund të kushtojë vetëm 10,000 dollarë për dikë që të fillojë biznesin e shpërndarjes. Firmat kontraktore të cilat marrin pjesë në program do të jenë në gjendje të marrin me qira kamionët blu me logon e Amazon të vulosur në të, të blejnë uniformat e Amazon për shoferët dhe të marrin mbështetje nga Amazon për të rritur biznesin e tyre. Kontraktorët nuk kanë nevojë të japin me qira furgona, por nëse ata bëjnë, ato automjete mund të përdoren vetëm për të ofruar pako që vijnë nga kompania e shitjeve online Amazon, tha kompania. Kontraktuesi do të jetë përgjegjës për marrjen në punë të njerëzve, dhe Amazon do të jetë konsumatori, duke paguar biznesin për të marrë paketa nga 75 qendrat e ofrimit të tij në SHBA dhe duke i dërguar ato deri në shtëpinë e blerësve. 

 

Një përfaqësues i Amazon nuk pranoi të jepte detaje se sa do të paguante për dërgesat. Olaoluwa Abimbola, e cila ishte pjesë e testit të programit të krijuar nga Amazon, tha se sasia e pakove që Amazon ka nevojë për dorëzim e mban biznesin e tij të zënë me punë. Ai ka punësuar 40 punëtorë për pesë muaj."Ne nuk duhet të bëjmë fjalime shitjesh," tha Abimbola. Pra nuk u duhet të shesin dhe të reklamojnë asgjë, ata thjesht duhet të bëjnë të mundur shërbimin që ofrojnë, pra dërgimin e pakove në shtëpitë e blerësve. "Ka punë të vazhdueshme, çdo ditë. Gjithçka që duhet të bëjmë është të shpërndajmë.' Amazon.com Inc. thotë se furgonat do të ndërtohen në një fabrikë të re Mercedes-Benz në Karolinën e Jugut.


Më të lexuarat në Inovacion