Amazon premton 3000 dyqane pa kase ne 2021
Amazon po planifikon që deri në vitin 2021 të bëjë të mundur hapjen e 3,000 dyqaneve pa kasa në vende të ndryshme.
Gjigandi teknologjik tashmë ka katër lokacione të dyqaneve Go store, por mund të ketë deri në 10 vende të tillatë hapura deri në fund të vitit, dhe nëse gjithçka shkon sipas parashikimeve deri në 50 të tilla në vitin 2019. Kjo do të shënonte shembullin më të fundit të tregtisë elektronike gjithnjë e më në rritje të Amazon. Amazon hapi dyqanin e parë pa kasa në Seattle dy vjet më parë dhe ka hapur gjithashtu edhe dy të tjera këtë vit në të njëjtin vend dhe një tjetër në Çikago.
Sfida kryesore e firmës për hapjen e më shumë dyqaneve është kostoja e lartë e teknologjisë që përdoret për të fuqizuar dizajnin e dyqaneve pa arka, pra ku shërbimi i pagesës nuk bëhet si zakonisht në një kasë me një punonjës në të, por online përmes një aplikacioni në telefon. Vendndodhja e saj e parë në qendër të Seattle i kushtoi kompanisë mbi 1 milion dollarë për sa i përket pajisjeve. Amazon mund të zvogëlojë koston e pajisjeve kompjuterike dhe të rrisë kufijtë e fitimit duke u fokusuar në shitjen e ushqimeve të përgatitura, në vend që të ofrojë një përzgjedhje të zgjeruar të artikujve ushqimor. CEO Jeff Bezos ka analizuar faktin nëse dyqanet duhet të ofrojnë ushqime të përgatitura dhe sende ushqimore të kufizuara, ose nëse ato duhet të ofrojnë sanduiçe të përgatitur, supë dhe ushqime të tjera.
Duke hapur tre nga dyqanet Amazon Go, Amazon shumë shpejt do të bëhej një nga zinxhirët më të mëdhenj në SHBA. Firma është kryesisht duke shikuar zonat urbane me banorë të rinj të pasur që mund të përballojnë të paguajnë për sendet që janë me kosto pak më të lartë, por sigurojnë cilësi më të mirë se ushqimi i shpejtë. Do t'i vendoste dyqanet në konkurrencë me biznese si Metra, Panera dhe Pret, si dhe vende të tjera që ofrojnë ushqime të shpejta dhe të paketuara për tu marë me vete. Hapja e më shumë lokacioneve në të njëjtin qytet do të lejonte Amazon që të zvogëlonte kostot sepse ata mund të përfitonin nga një qendër e centralizuar e prodhimit të ushqimit. Deri më tani, Amazon nuk ka pranuar të komentojë mbi raportet e saj për hapjen e dyqaneve shtesë Go store. "Ne nuk komentojmë thashetheme apo spekulime," tha një zëdhënës i Amazon për CNBC.
Firma kërkimore eMarketer parashikon se Amazon do të kontrollojë më shumë se 4 përqind të tregut të reklamave dixhitale të SHBA deri në fund të këtij viti. Kjo arrin në rreth 4.61 miliardë dollarë në të ardhura, gjë që është një hendek i madh nga shitjet e parashikuara më parë të firmës prej 2.89 miliardë dollarë. Kjo është shumë larg nga Google dhe Facebook, të cilat kanë mbajtur gjatë një duopoly dixhital ad, edhe pse Amazon pritet të vijë në vendin e tretë. Google do të pretendojë 37 për qind të tregut, ndërsa Facebook do të godasë 20.5 për qind të tregut dixhital në SHBA. Për më tepër, Amazon ka rritur biznesin e saj reklamues me 242 për qind që nga 2017, tha eMarketer.
Më të lexuarat
