H2Vans jane furgonat futuristike me hidrogjen
Një firmë Skoceze ka krijuar furgonë me hidrogjen të cilët udhëtojnë me orë të tëra midis qyteteve pa u rifurnizuar dhe sigurisht, janë ekologjikë.
Firma ka arritur të krijojë automjete të cilët nuk shkarkojnë gaze të dëmshme për mjedisin, duke qënë se nuk punojnë me lëndë të djegshme por me hidrogjen. Makinat futuristike të quajtura H2Vans janë dizejnuar për të udhëtuar me orë të tëra pa qënë nevoja të rifurnizohen dhe gjithashtu e vetmja gjë që ata prodhojnë është uji i pijshëm i cili del nga avulli. Një udhëtim për të bërë testin e këtij furgoni me hidrogjen është planifikuar të bëhet në 2019, një udhëtim përreth vendit pa ndaluar aspak për tu furnizuar.
Një automjet i tillë nëse do të jetë i sukseshëm në testin përfundimtar, atëherë do të shënojë një revolucion në transportin ekologjik. Furgoni do të jetë në gjendje të udhëtojë deri në 500 milje me vetëm një furnizim me hidrogjen, dhe gjithashtu sipas kompanisë proçesi i rifurnizimit merr vetëm gjashtë minuta.‘Ky do të jetë automjeti i parë komericial në treg i cili është me hidrogjen dhe në të njëjtën kohë është i lehtë, i qëndrueshëm, dhe me shumë cilësi të tjera dhe përparësi të cilat makinat e tjera nuk i kanë, është shprehur zotëruesi i firmës prodhuese.’
Gjithashtu ai u shpreh se qëllimi është të ndërtohen automjete të qëndrueshme për sa i përket aspektit të emetimit por në të njëjtën kohë edhe lidhur me mënyrën se si janë ndërtuar dhe dizajnuar automjetet, me avantazhe të konsiderueshme të sigurisë. H2Van përdor një qelizë karboni që konverton hidrogjenin dhe oksigjenin në ujë gjatë një procesi që prodhon energji elektrike për të fuqizuar motorin. I vetmi nënprodukt tjetër është nxehtësia dhe automjeti mund të udhëtojë deri në 500 milje në një udhëtim dhe mund të furnizohet me hidrogjen vetëm për gjashtë minuta. Kompania tha se 139 stacione publike të karburantit të hidrogjenit janë hapur në të gjithë Evropën.
Por infrastruktura e hidrogjenit mungon në Mbretërinë e Bashkuar, me stacionin e vetëm të karburantit në Skoci në Aberdeen dhe vendet e stacionit të shërbimit në Beaconsfield, Buckinghamshire dhe Cobham në Surrey. Ata gjithashtu po planifikojnë të krijojnë pika furnizuese private të karburantit për kompanitë që përdorin furgonë me hidrogjen. HV Systems po punojnë gjithashtu në një flotë të automjeteve të rënda të quajtur HV Trucks, me një distancë deri në 800 milje edhe me ngarkesa prej 44 tonësh. Kompania tha në faqen e saj të internetit: 'Hidrogjeni është substanca më e thjeshtë, më e vogël dhe më e bollshme në univers. 'Është e pastër, e sigurt, pa ngjyrë, pa erë, pa shije, jo toksike dhe jo helmuese.
'H2Van do t'u lejojë bizneseve të vogla dhe të mëdha që të reduktojnë ndjeshëm emetimet e tyre të karbonit dhe t'i bëjnë rrugët tona shumë më të sigurta për të udhëtuar. Aktualisht, hidrogjeni është shfrytëzuar nëpërmjet reformimit me avull të gazit natyror dhe elektrolizës, dhe Z. Rangelov beson se hidrogjeni mund të jetë jetik në kompensimin e konsumit të lëndëve djegëse fosile dhe të sigurojë pavarësinë e energjisë. Hidrogjeni ka tërhequr interes të gjerë në Lindjen e Largët, me Kinën, Japoninë dhe Korenë e Jugut të interesuar dhe kompani të tilla si Hyundai dhe Toyota duke investuar në teknologjinë e qelizave të karburantit.
Më të lexuarat
