Niset me sukses avioni me i madh ne bote
Avioni më i madh në botë me një hapje krahu sa një fushë futbolli, ka kryer me sukses testin e parë të fluturimit.
Kjo arritje mjaft e rëndësishme për kompaninë vjen një ditë pas ndarjes nga jeta të vetë krijuesit të tij, i cili arriti të krijonte në mënyrë të përkryer avionin e parë në botë me këto përmasa dhe me një strukturë vërtet unike. Testi i fluturimit rezulto të thyente me sukses një rekord shpejtësie prej 90 mph, gjatë një testi të shpejtësisë mesatare në Mojave Air & Space Port. Avioni masiv i quajtur Stratolaunch ka dy kabina të bashkuara në një trup avioni të vetëm, pra në thelb do të ishin dy avionë të ndryshëm, por që në fakt qëndrojnë si një i vetëm, me nga një krah anësor secili.
Gjithashtu e veçanta e tij është se përveç se ka dy kabina, ky avion ka plot 28 rrota dhe 6 motorë të cilët zakonisht përdoren për të fuqizuar avionë 747 të vegjël. Përdorim i tij do të jetë specifikisht për transportin e mjeteve të renda, si satelitë apo raketa. Inxhinieri i cii ka punuar rreth këtij projekti me rëndësi është shprehur se në pamje të parë avioni duket si një ndërtesë, referuar përmasave të tij të mëdha."Ne jemi të ngazëllyer për të ndarë për herë të parë disa detaje rreth zhvillimit të automjeteve tona pronësore të Stratolaunch, me të cilat ne do të ofrojmë një aftësi fleksibël nisëse, ndryshe nga çdo tjetër", tha Jean Floyd, Drejtor Ekzekutiv i Stratolaunch.
"Cilado qoftë ngarkesa, pavarësisht nga orbita, dërgimi i satelitit tuaj në hapësirë ​​së shpejti do të jetë aq i lehtë sa të rezervoni një fluturim ajror". Stratolaunch gjithashtu po ndërton raketa të veta për t'u nisur nga mega avioni. Ajo do të jetë mjaft e madhe për të transportuar satelitë të shumta ose ngarkesa të tjera, dhe është koduar me emrin Kraken, ku lëshimi i parë në hapësirë është planifikuar të zhvillohet në vitin 2020. Avioni ende duhet të kalojë nëpër tri teste më shumë përpara se të mund të kryejë fluturimin e tij përfundimtar që lidhet edhe me natyrën e funksionit që ka, tha kompania.
Sipas Engadget, Stratolaunch duhet të arrijë shpejtësinë 128 km / h dhe pastaj 222 km/ orë gjatë testeve të ardhshme. Kur avioni përfundimisht është në ajër, ekipi i pilotëve prej tre personash të cilët do të jenë piloti, bashkëpiloti dhe inxhinieri i fluturimit, do të ulen në trupin e djathtë, duke e drejtuar aeroplanin në një distancë të drejtë në të djathtë të vijës së mesit. Trupi i avionit që ndodhet në krah të majtë ka atë që duket si një kabinë për bashkëpilotin, por seksioni është në fakt i zbrazët dhe pa forcë shtypëse. Stratolaunch peshon përafërsisht 500,000 paund pa ndonjë ngarkesë, dhe i projektuar për të kryer transportin dhe mbartjen e një peshe maksimale prej 1.3 milion paund.
Aeroplani rrotullohet me ndihmën e 28 rrotave dhe pasi ngrihet në ajër do të fuqizohet nga gjashtë motorë. Madhësia e aeroplanit do të mundësojë që ajo të shërbejë për lëshimin e raketave ajrore. Tradicionalisht, satelitët dhe avionët e tjerë janë nisur në hapësirë ​​nga një lëshues, i cili kërkon një sasi të madhe të karburantit.
Më të lexuarat
