Avionet e se ardhmes do jene me hidrogjen
Ekspertët po hartojnë plane për krijimin e avionëve të pasagjerëve që fuqizohen me hidrogjen në një përpjekje për të reduktuar emetimet e avionëve.
Në vend të karburantit konvencional, automjetet në formë V do të mundësoheshin nga hidrogjeni i lëngshëm më i pastër dhe do të jepnin zero emetime tëdioksidit të karbonit. Udhëtimi ajror aktualisht kontribuon në 2 për qind të emisioneve globale të gazrave serrë, një shifër që pritet të dyfishohet në dy dekadat e ardhshme. Projekti prej 4.5 milion dollarë, i drejtuar nga Cranfield University në Bedfordshire, po tërheq së bashku akademikët dhe liderët e industrisë.
Ata do të trajtojnë disa nga sfidat më të mëdha me të cilat ka të bëjë në ditët e sotme fluturimi me avionë me hidrogjen, siç është ruajtja në bord, kostoja e lartë e prodhimit të karburantit dhe shqetësimet e sigurisë. Dr Bobby Sethi, nga qendra e inovacionit të universitetit, u shpreh: "Ekzistojnë sfida në përdorimin e hidrogjenit në gjëndje të lëngët, por ne shpresojmë që t'i adresojmë ato brenda fushës së projektit."Ne duam të tregojmë se hidrogjeni mund të jetë jo vetëm i dobishëm për mjedisin, por mund të përdoret në mënyrë të sigurtë dhe të përballueshme në periudhën afatmesme dhe afatgjatë". Grupi do të analizojë rastin për zhvillimin e një avioni në formë V në të cilin krahët janë pjesë e integruar e formës së trupit të avionit që do të shërbejë për fluturimet e gjata.
Mjeti do të kërkojë hapësirë ​​shtesë për ruajtjen e karburantit, i cili duhet të mbahet në minus 250C. Sfidat teknologjike që ndesh ekipi janë aq të mëdha saqë ata arrijnë të pohojnë se një fluturim provë me një avion të tillë nuk mund të behet ende deri në vitin 2030, pasi sipas tyre kjo është koha që u nevojitet për të krijuar një avion pasagjerësh me hidrogjen që të jetë tërësisht funksional. Përdorimi i karburantit të hidrogjenit mund të ndihmojë në reduktimin e shkarkimeve të gazeve serrë të avionëve, të cilat pritet të rriten me numrin e fluturimeve të avionëve gjatë 20 viteve të ardhshme.
Numri global i fluturimeve të avionëve të pasagjerëve pritet të dyfishohet në 8.2 miliardë deri në 2037, sipas Shoqatës Ndërkombëtare të Transportit Ajror. Disa kompani, duke përfshirë Easyjet, po investojnë në avionët e pasagjerëve që fuqizohen nga bateri të mëdha për të ulur emetimet e tyre. Por ekspertët pas projektit të ri të financuar nga Komisioni Evropian, të quajtur "Enable H2", këmbëngulën se fluturimi elektrik i gjatë ishte i pamundur. Dr Sethi tha: 'Avionët elektrikë ekzistues nuk mund të ruajnë energji të mjaftueshme në bateri për t'ju mundësuar të bëni transportin e më shumë se dy pasagjerëve dhe nëse shihni motorët elektrikë, ata janë të mëdhenj dhe shumë të rëndë'.
Më të lexuarat
