Krijohet teknologjia qe monitoron trafikun ajror

Një qendër digjitale e kontrollit të trafikut ajror (ATC) është hapur për herë të parë në një aeroport të Britanisë së Madhe.   

Punonjësit që meren me kontrollin ajror në Aeroportin e Cranfield në Bedfordshire kanë filluar përdorimin e pamjeve të drejtpërdrejta nga kamerat me definicion të lartë për të drejtuar fluturimet dhe uljet direkte. Teknologjia pasqyron atë që mund të shihet përmes dritareve të kullës tradicionale ATC.

Një përditësim i drejtpërdrejtë i pamjeve panoramike transmetohet në 14 ekrane në një dhomë të posaçme të operacioneve në aeroport.Teknologjia e re dhe sistemi i monitorimit siguron mundësinë për të zmadhuar avionin dhe për ta lokalizuar atë në momentet kur dukshmëria është e ë dobët. Rreth 20,000 ngritje dhe ulje zhvillohen çdo vit në Cranfield, e cila strehon avionë të lehtë dhe avionë biznesi. Saab Digital Air Traffic Solutions, i cili instalon sistemin, pretendon se do të përmirësojë informacionet dhe të dhënat e kontrolluesve në situata alarmante, dhe do t'u mundësojë atyre të marrin vendime më të shpejta dhe më të sakta. 

Aeroporti Cranfield po punon me Autoritetin e Aviacionit Civil për të përfunduar kalimin nga kulla e tij tradicionale në qendrën e re. Është hera e parë që një qendër dixhitale ATC është përdorur në një aeroport në Mbretërinë e Bashkuar.Teknologjia tashmë është testuar në Australi, Suedi, Norvegji dhe Irlandë. Shefi ekzekutiv i Shërbimeve Ajrore të Saab Johan Klintberg tha: "Ky është një moment historik për udhëtimin ajror në Mbretërinë e Bashkuar dhe tregon se e ardhmja e sektorit të aviacionit në Mbretërinë e Bashkuar qëndron në teknologjinë më të përparuar kombinuar me ekspertizën operacionale". 

Rob Abbott, drejtor i operacioneve të aviacionit në Universitetin Cranfield, i cili zotëron aeroportin, tha: "Sistemi i ri digjital do të përmirësojë ndërgjegjësimin tonë mbi gjendjen e kontrollorëve të trafikut ajror, duke mundësuar vendime të shpejta dhe të informuara, duke çuar në mundësi për përmirësim të sigurisë dhe efikasitetit. "Me partnerët tanë, Saab, ne jemi duke punuar shumë ngushtë me rregullatorin, Autoriteti i Aviacionit Civil, për të siguruar që ne të përmbushim të gjitha standardet e sigurisë të kërkuara nga sistemet tradicionale të kontrollit të trafikut ajror". 

Aeroporti i Londrës Qyteti po ndërton aktualisht një kullë dixhitale të lidhur me bazën Hampshire të ATC Nats. Kjo qëndër e kontrollit dixhital pritet të jetë plotësisht operacionale në janar 2020. Ministri i Aviacionit Liz Sugg tha: 'Qendra e re e kontrollit e Cranfield është një shembull fantastik i shfrytëzimit të teknologjisë për të përmirësuar efikasitetin e fluturimeve."Konsultimet e ardhshme të Strategjisë së Aviacionit do të përcaktojnë se si Qeveria propozon të inkurajojë përdorimin e teknologjisë inovative për të arritur rritjen e qëndrueshme të aviacionit dhe për të rritur përvojën e udhëtarëve. 

Më të lexuarat