Google njofton se do shpenzojë 1 miliardë dollarë për të ndërtuar një kompleks të ri zyrash në New York, që do të lejojë gjigandin e kërkimit të dyfishojë forcën punëtore.
Është zgjerimi më i fundit i industrisë së teknologjisë përtej korridorit të Seattle-San Francisco Bay. Ai ndjek hapat e fundit të bëra nga Amazon dhe Apple për të ngritur operacione jashtë zonave të tyre ku operojnë. Megjithatë, Google tha se nuk ka aplikuar për subvencione apo stimulime tatimore për cilëndo prej pronave të saj në Nju Jork, ndryshe nga Amazon, e cila i është ofruar 2.8 miliard dollarë ulje taksash për kompaninë e cila tejkaloi vlerën e 1 trillion dollarëve në shtator.
Google hapi zyrën e saj të parë në Nju Jork rreth 20 vjet më parë dhe tani punëson 7,000 njerëz në qytet. Me hapjen e kampusit të tyre të ri në Manhatan, kompania do të dyfishojë fuqinë punëtore deri në 14,000 njerëz gjatë dekadës së ardhshme. Amazon ka plane për krijimin e 25,000 vendeve të punës sapo zyrat e saj të hapen në zonën e Kuins. Por ka shqetësime rreth kompanive të teknologjisë që hyjnë në këtë zonë, duke përfshirë infrastrukturën e shkatërruar tashmë të qytetit dhe krizën e strehimit.
Sipas Vox, në fakt nuk ka kuptim për kompanitë si Amazon që të shtojnë kampuset e mëdha në Nju Jork, sepse prania e kompanive do të tentojë të përkeqësojë krizat e qytetit për përballueshmërinë e strehimit dhe infrastrukturën e mbingarkuar të transportit. Këto shqetësime u ngritën vetëm javën e kaluar nga anëtarët e këshillit që u takuan me drejtuesit e Amazon."Ne kemi një sistem të metrosë të shkatërruar, një rekord të pastrehësh, strehim publik që është në krizë, shkolla të mbipopulluara, njerëz të sëmurë pa sigurim shëndetësor dhe një krizë që sa vje e përshkallëzohet", tha kryetari i Këshillit Bashkiak Corey Johnson.
'A po pyet dikush nëse duhet të japim rreth 3 miliardë dollarë nga paratë publike për kompaninë më të pasur në botë?' ku gjigandi i teknologjisë, me bazë në Mountain View, Kaliforni, do të modernizojë një kompleks që tejkalon 1.7 milion metra katrorë përgjatë lumit Hudson në lagjen e fshatit West Village. Google shpreson të hyjë në kampusin e ri deri në vitin 2020. Gjithashtu mendohet se investimet më të fundit të kompanisë i japin asaj mundësinë për të dyfishuar numrin e punonjësve të Google në Nju Jork gjatë 10 viteve të ardhshme.
