Xhamia Pearl, projekti me i ri futuristik ne Dubai
Xhamia Pearl, është projekti më i fundit arkitekturor në Dubai, i cili shfaq një dizajn me të vërtetë futuristik që mendohet të ndërtohet në portin e Dubait.
Xhamia Pearl nga studioja e arkitekturës me bazë në san francisco AMLGM është një ndër propozimet për portin e Dubait, i vendosur brenda zhvillimit të ujrave dhe i rrethuar nga kulla rezidenciale me përdorim të përzier në të gjitha anët.
Dizajni i guximshëm merr shkas nga historia e emirateve të bashkuara arabe. Me një seksion drejtkëndor të një sferë të madhe si bazën e saj, xhamia është një referencë e drejtpërdrejtë për perlën, me një formë që është rrethore në natyrë dhe e mbuluar nga toka. AMLGM ka zhvilluar dizajnin si një interpretim parametrik të elementeve tradicionale islamike, duke përfshirë kupolën dhe modelin mashrabiya.
Xhamia perla është e rrethuar nga një seri prej pesë sferave më të vogla që ndërthuren dhe presin pjesë të sferave më të mëdha, duke rezultuar në zbrazëtira që sjellin dritë nëpërmjet një interpretimi modern të muquarnas tradicionale dhe që shërbejnë si hyrje. Ndërtesa qëndron në pesë shtylla strukturore që mbështesin kupolën, ndërsa secila prej tyre gjithashtu përmban elemente funksionale si shkallët, ashensorët dhe pajisjet mekanike.
Hyrja kryesore është një shkallë spirale e bujshme dhe skulpturore nën kupolën në oborrin e mbuluar me hije, vendosur nën ndërtesën e harkuar dhe sallën e ngritur të lutjes për të rritur marrëdhënien mes të dyve. Oborri publik krijohet duke e ngritur sallën e lutjes në vëllimin sferik të ndërtesës dhe duke e rrotulluar atë në mënyrë që muri i qibla të përballet me mekën, duke lejuar një hapësirë ​​të mbledhur nën hyrjen e kupolës.
