Ordnance Survey ka prezantuar një dron me energji diellore që është në gjendje të fluturojë për 90 ditë pa ndërprerje, i cili do të kapë imazhe të Tokës me cilësi më të lartë.
Droni do të qarkullojë përafërsisht 20,400m mbi tokë dhe do të kapë imazhe të çastit për t’ua shitur organizatave dhe bizneseve. Testet e para të mjetit ajror të krijuar nga Astigan janë planifikuar të ndodhin para fundit të vitit 2019.
Droni peshon 150 kg, ka një hapje krahësh prej gati 40 metrash dhe kontrollohet nga distanca. Astigan thotë se mobiliteti i saj e bën atë shumë më të lirë dhe më fleksibël sesa alternativa e përdorimit të imazheve satelitore. Platforma është projektuar për të ofruar avantazhe të mëdha kostoje dhe efikasitet mbi metodat tradicionale."Kompania ka prodhuar një platformë unike të bërë nga Britania, e cila mund të mbajë një sërë instrumentesh të këmbyeshëm të vëzhgimit të tokës, siç janë kamerat me saktësi të lartë, sistemet e monitorimit atmosferik dhe sensorë multi-spektralë.
"Duke e përshtatur këtë aftësi me ekspertizën tonë për prodhimin dhe hartimin gjeohapsinor të klasit botëror, ne shpresojmë të mbështesim organizatat dhe vendet në trajtimin e sfidave të mëdha shoqërore, përfshirë urbanizimin, menaxhimin e tokës, ndryshimet mjedisore dhe harta për të mbështetur reagimet e emergjencës në rast të fatkeqësive natyrore, u shpreh një përfaqësues i kompanisë".
Deri në fund të vitit 2019 synojmë të përfundojmë testin e qëndrueshmërisë së fluturimit, duke arritur deri në 90 ditë qëndrim në ajër pa ndërprerje, e cila është aftësia operacionale për të cilën po përpiqemi. Britania e Madhe ka zhvilluar këtë teknologji, duke ofruar aftësi satelitore, fleksibilitet dhe efikasitet të përmirësuar, të gjitha me një kosto shumë të reduktuar.
Ne presim me padurim ta përfundojmë këtë projekt dhe ta shohim këtë mjet ajror të japë potencialin e tij të shquar, i cili duhet të ofrojë një gamë të përfitimeve shkencore dhe mjedisore, u shpreh kompania që qëndron pas dronit.
