Njerezit do arrijne super inteligjencen brenda pak viteve
Mikroçipe të teknologjisë së lartë të cilat do të implementohen në tru, së shpejti do të bëjnë të mundur rritjen e inteligjencës në trurin e njeriut.
Hulumtuesit kanë punuar për të zhvilluar metoda minimale invazive për të ngacmuar trurin e njeriut dhe për të nxjerrë më shumë potencialin e tij. Përparimet e fundit teknologjike mund ta bëjnë këtë të mundshme brenda pesë viteve të ardhshme, tha neuroshkencëtari Dr Moran Cerf, por ai paralajmëron se një gjë e tillë mund të krijojë forma të reja të pabarazisë sociale.
Profesori i neuroshkencës aktualisht po punon për të zhvilluar një çip të tillë, me qëllim përmirësimin e inteligjencës njerëzore, duke e bashkuar atë me teknologjinë. DARPA gjithashtu ka shprehur interesim të vazhdueshëm në këtë fushë pasi punon për të përmirësuar aftësitë njohëse të ushtarëve dhe për të kuptuar teknologjinë. Sipas Cerf, mund të jemi vetëm disa vite larg nga kjo teknologji, por përdorimi i saj në shoqërinë e përditshme mund të krijojë boshllëqe ekstreme të inteligjencës brenda një popullsi e të caktuar.
DARPA zgjodhi një numër ekipesh në korrik për të zhvilluar një ndërveprim nervor si pjesë e programit të saj të ri N3, me qëllim të zhvillimit të sistemeve që do të lejonin trupat të dërgonin dhe të merrnin informacion duke përdorur valët e tyre të trurit. Kjo do të thotë se trupat ushtarake mund të kontrollojnë dronët, sistemet e mbrojtjes kibernetike dhe teknologjitë e tjera me mendjen e tyre. Kjo mund të tingëllojë si fiction, por agjencia po kërkon ta shohë këtë në një nga dy mënyrat: një pajisje jo invazive jashtë trupit, ose një sistem jo kirurgjikal që mund të gëlltitet, të injektohet ose të kalojë përmes hundës.
Programi synonte të përdorte sistemin nervor periferik të trupit për të përshpejtuar procesin e të mësuarit. Kjo do të bëhet duke aktivizuar një proces të njohur si 'plasticitet synaptik', një proces kyç në tru të përfshirë në mësim përmes stimulimit elektrik. Një gjë e tillë mund të lejojë një person të zotërojë në një kohë shumë të shpejtë aftësitë komplekse që normalisht do të merrnin mijëra orë praktikë.
