E ardhmja e modes, ne vetem 20 minuta mund te beni tuajen veshjen e personalizuar

Teknologjitë e reja kanë bërë që procesi i projektimit të jetë i ngjashëm me krijimin e një filmi në Hollivud. Knyttan një kompani mode në Britani ka krijuar një aplikacion në të cilin secili prej jush mund të zgjedhë vetë si e do bluzën, e cila më pas mund të prodhohet në vetëm 20 minuta.

Ben Alun-Jones nga kompania Knyttan shpjegon se si konsumatorët mund të krijojë gjëra të bëra me porosi në "fabrikën e së ardhmes" të kompanisë dhe pretendon se përshtatja në cdo masë do të transformojë tërësisht rolin e dizenjatorëve.
Knyttan është një kompani e themeluar nga Alun-Jones, Kirsty Emery dhe Hal Watts në 2013, e cila ofron mundësi për të përshtatur një bluzë nëpërmjet një aplikacioni në web duke e porositur dhe prodhuar atë më pas në fabrikën e kompanisë dhe dyqanet në Somerset House në Londër.
Knyttan punon me dizenjatorë të ndryshëm për të krijuar "udhezime stili" që klientët pastaj mund të rregullojë nëpërmjet aplikacionit veshjet e tyre të preferuar.

Dizajneri grafik Kate Moross, për shembull, ka krijuar një sërë modele gjeometrike për markën, të cilat klientët mund ti manipulojnë në mënyra të ndryshme për të krijuar variacione pothuajse të pafundme.
"Ju mund të lëvizini rreth pjesës suaj të preferuar të imazhit, mund ti bëni zoom në atë pjesë të detajeve që me të vërtetë dëshironi ta ndryshoni." Alun-Jones thotë se moda ka qenë tradicionalisht e gatshme për të përqafuar teknologjinë e re, suksesi i dyqanit është duke e detyruar industrinë që të marrë përshtatjen masive seriozisht.

"Tani ne kemi bërë një dyqan dhe ne kemi treguar se si ajo mund të punojnë. Njerëzit e kuptojnë se në të vërtetë kjo mund të jetë e ardhmja e modës."
Kjo do të ketë një ndikim të madh në mënyrë  sesi e bëjnë punën dizenjatorët, pretendon Alun-Jones. "Edhe pse dizenjatorët e lartë të modës si Karl Lagerfeld ose Vivienne Westwood kanë kontrolle shumë strikte mbi mënyrën se si do të duket marka e tyre, ata janë gjithashtu në kërkim për të krijuar diçka të re për klientët e tyre."

Knyttan përdor makina standarde industriale për qepje dhe thurje, të cilat Alun-Jones pretendon se prodhojnë rreth 20 deri në 25 për qind të rrobave të botës. Celësi i këtij suksesi qëndron në përshtatjen masive në software.
"Arsyeja e përshtatjes në masë nuk ka ndodhur më parë në gjëra të qepura apo thurura, sepse mjetet e projektimit që ekzistojnë janë të modës së vjetër, pothuajse si të viteve 1980, 1990-style CAD," shpjegon Alun-Jones. "Ne kemi zhvilluar një pjesë të re të softuerit që na mundëson të bëjmë në një minutë një bluzë të kuqe dhe blu, dhe minutën e ardhshëm një shall të gjelbër dhe të bardhë dhe vetëm ajo ia del të prodhojë artikuj krejtësisht të ndryshëm."

Makinat mund të prodhojë një shall në më pak se gjysmë ore apo një (jumpers) në më pak së dy orë. "Konsumatorët nuk e kanë të nevojshme të shkojnë në dyqane ata thjesht mund të nagivojnë në internet të përzgjedhë atë që dëshiron dhe ta porosisë," shpjegon Alun-Jones. "Pasi një klient ka përzgjedhur artikullin e tij, stilin dhe llojin e copës, ngjyrën,etj. Këto të dhëna konvertohen në kodin e makinës në një çështje minutash. Një shall merr 20 minuta për prodhim. Një bluzë merr rreth një orë e gjysëm dhe këto janë të gatshme për tu marrë nga klienti”.

Më të lexuarat