Danimarka po nderton gradacelen me te larte ne Europen Perendimore

Ndërtesa më e lartë e Evropës Perëndimore do të ngrihet në qytetin e vogël të Brande në Danimarkë, qytet i cili ka një popullsi prej vetëm 7,000 banorësh. 

Gradaçela do të jetë selia e gjigantit të modës Bestseller, i cili u themelua në qytet në 1975, gjithashtu do të ketë një lartësi 320 metra rreth dhjetë metra më e lartë se Shard i Londrës. 

Një pasqyrim i projektit tregon se si do të dominojë ndërtesa në peizazhin e sheshtë rreth saj duke shfaqur vizualitetin e saj në një distancë deri në rreth 60 km larg. Gradaçela është krahasuar me Kullën e Sauron në The Lord of the Rings. The Guardian thotë se ka gjithashtu kundërshtime serioze për projektin. Bestseller, i cili është në pronësi të Anders Holch Povlsen, e quan planin e projektit Tower & Village dhe thotë se është një 'rikonceptim' i idesë klasike të selisë. Kompleksi, i projektuar nga firma arkitekturore Dorte Mandrup, do të bëhet shtëpia e 30 dyqaneve, objekteve arsimore, akomodimit të hoteleve dhe zyrave të shumta të Bestseller.  

Hans Ulbrichsen, nga Shoqata e Tregtisë Brande, tha:"Ne e shohim planin e projektit Bestseller si një mundësi e madhe për qytetin. Një mundësi që mund të ndihmojë në krijimin e një jete dinamike në të gjithë zonën, jo vetëm për Bestseller, por shumë edhe për bizneset lokale në Brande. Projekti i përgjithshëm i ndërtimit konsiderohet si një investim në Brande dhe ndërtesa e lartë e planifikuar do të funksionojë si një ikonë për zgjerimin e ri. 

Ndërtesa do të jetë një pikë referimi që vendos Brande në hartë, por gjithashtu do të funksionojë si një tërheqje arkitekturore që do të përfitonte mysafirët e hotelit, studentët dhe përdoruesit e tjerë të ndërtesës. 

Më të lexuarat