Sony ka konfirmuar se Playstation 5 është rrugës dhe gjithashtu kompania ka zbuluar disa detaje vendimtare për pajisjen e lojërave të gjeneratës së ardhshme.
Në një intervistë kompania prodhuese Sony, u shpreh se PlayStation 5 do të jetë më i fuqishëm se paraardhësi i tij, falë një procesori eight -core AMD Ryzen.
AMD chip përfshin një njësi me porosi për audio 3D që Cerny thotë se do ta bëjë lojtarin "të ndihet më i zhytur në lojë, pasi tingujt vijnë tek ju nga lart, nga prapa dhe nga ana tjetër". PlayStation 5 do të shfaqë edhe një kartë grafike Radeon Navi, e cila do të mbështesë grafikën 8K dhe "gjurmues rrezesh", një teknikë që imiton mënyrën se si drita kërcen jashtë objekteve 3D për realizëm të shtuar.
Ndërsa gjurmimi i rrezeve është një element kryesor i efekteve vizuale të Hollivudit, ajo po shfaqet vetëm në kartat grafike moderne të kompjuterave, dhe asnjë video loje nuk ka qenë në gjendje ta menaxhojë ende. Megjithatë, ajo që kompania e përshkruan si "ndryshues i vërtetë i lojës" është fakti se PlayStation 5 do të ketë një SSD, duke zëvendësuar hard diskun që zakonisht gjendet në video lojëra të tilla.
Megjithëse Sony nuk ka zbuluar detaje të sakta për hard drive, por pretendon se ka një bandwidth më të lartë se çdo SSD në dispozicion për PC, duke mundësuar shkarkime më të shpejta, paraqitje grafike më të shpejtë dhe kohë më të shkurtë ngarkimi. Ai tregoi se një manovër udhëtimi me shpejtësi në lojën Spider-Man, merr vetëm 0.8 sekonda në një prototip PS5, krahasuar me 15 sekonda në një PS4 Pro.
Pajisja e re do të jetë e kundërt në përputhje me lojrat e Playstation 4 dhe do të pranojë shkarkime, sipas Wired. Sony mohoi fjalët se PS5 do të hidhej në treg në 2019, por konfirmoi se një numër i studiove të lojërave tashmë po punojnë për zhvillimin e PlayStation 5.
