Një robot i stacionuar në planetin e kuq ka zbuluar për herë të parë atë që mendohet të jetë një tërmet në planetin në të cilin janë fokusuar të gjitha misionet.
Landeri i NASA ka dëgjuar tronditjetë dobëta poshtë sipërfaqes së planetit që nga dhjetori, kur vendosi sizmometrin e saj për të filluar misionin novator.
Në atë që shkencëtarët kanë përshëndetur një moment historik 'emocionues', ekipi i InSight thotë se landeri ka matur dhe regjistruar një sinjal sizmik më 6 prill, ditën e 128-të të saj marsiane, duke përdorur instrumentin e saj Sizmik. Përderisa tronditjetë tjera janë regjistruar, sinjalet e mëparshme mendohet se janë shkaktuar nga aktiviteti mbi sipërfaqen, si era. Tërmeti i dyshuar duket se e ka origjinën nga brenda thellësive.
Përpjekjet e InSight u ndërtuan mbi punën e hedhur nga astronautët e Apollo në Hënë gjatë viteve 1960 dhe 70, të cilat së pari zbuluan të dhëna mbi aktivitetin Hënor sizmik dhe brendësinë e Hënës. Në mënyrë të ngjashme, shpresohet se matjet e sizmometrit do të ndihmojnë për të përmirësuar kuptueshmërinë tonë për ngjarjet e thella brenda Marsi. Ekipi thotë se ngjarja e parë sizmike ishte shumë e vogël për të mbledhur të dhëna të forta në këtë front, por ata presin që kjo të jetë vetëm e para nga shumë.
Ne kemi mbledhur zhurmën e sfondit deri më tani, por kjo ngjarje e parë zyrtarisht fillon një fushë të re: sizmologjinë marsiane. Ngjarja Martian Sol 128 është emocionuese, sepse madhësia dhe kohëzgjatja e tij përputhen me profilin e termeteve Hënore, zbuluar në sipërfaqen hënore gjatë misioneve të Apollo. Sipas shkencëtarëve, InSight zbuloi gjithashtu sinjale sizmike më 14 mars, 10 prill dhe 11 prill.
Këto ishin më të vogla dhe u kapën nga sensorët e saj më të ndjeshëm, thotë NASA dhe shkencëtarët ende po punojnë për të përcaktuar shkaqet e tyre. Është kaq emocionuese që më në fund të kemi dëshmi se Marsi është ende aktiv sizmikisht", thotë një prej studiuesve.
