Projekti qe sjell tempujt e lashte ne stilin modernist
Arkitekti me bazë në Shangai Amey Kandalgaonkar ka krijuar një rikonceptim imagjinar në beton të stilit tradicional të ndërtimit të tempujve të lashtë kinezë.
Karakterizuar në mënyrë tipike me tempujt budistë të Azisë Lindore dhe Juglindore, tipologjia e lashtë e faltoreve mbetet kryesisht e paprekur nga stilet dhe lëvizjet arkitekturore në zhvillim me kalimin e kohës.
Pas udhëtimeve të tij nëpër Kinë, arkitekti me bazë në Shangai Amey Kandalgaonkar paraqet një rikonceptim imagjinar në beton të stilit tradicional të ndërtimit. Projektuesi komenton: 'ndërsa e gjithë bota u përfshi nga lëvizja moderniste, Kina ishte kryesisht e paprekur nga modernizmi. Kështu që kur vizitova disa monumente të lashta kineze, nuk mund të mos pyesja veten se si një mendje moderniste do të interpretonte arkitekturën tradicionale kineze, u shpreh arkitekti.
Amey Kandalgaonkar transformon logjikën strukturore të tempujve të lashtë me pikat moderniste, duke i bërë jehonë shpirtit dhe imazhit të stilit tradicional. Muret mbeshtetese te tempujve, tipike të ndertuara nga guri, tulla ose druri, zevendesohen nga nje rrjet e shtyllave ose kolona strukturore betoni. Kulmi karakteristik i dalë eliminohet dhe riinterpretohet si një pllakë e sheshtë, e hapur, e cila shpreh profilin krejtësisht të dallueshëm.
Në kundërshtim me idealet e modernistëve të shekullit të njëzetë, tipologjia e faltores zakonisht përdor zbukurim të përpunuar. Arkitekti e heq këtë element për të theksuar logjikën e pastër të strukturës së betonit, e cila në vend të kësaj strehon një seri të shtresuar të kopshteve në çati.
