Aplikacionet IOS vjedhin te dhenat personale te perdoruesve
Një numër aplikacionesh popullore iOS po grumbullojnë të dhëna personale pa dijeninë e përdoruesve.
Pas lidhjes së një iPhone me softuerin monitorues, The Washington Post zbuloi se më shumë se 5.400 gjurmues të aplikacioneve po dërgonin të dhëna nga pajisja tek palët e treta.
Shtrirja e të dhënave të grumbulluara është e gjerë, duke përfshirë informacione të ndjeshme si email, numra telefoni, adresa IP dhe vendndodhja e saktë e një përdoruesi, ndër të tjera. Gjurmuesit e aplikacioneve shpesh janë më të ngarkuar gjatë natës, kur përdoruesi është në gjumë ose në raste kur një smartphone nuk po përdoret. Procesi përfundon duke kaluar informacione të ndjeshme në kompanitë gjurmuese të palëve të treta, të tilla si Amplitude, Appboy dhe Demdex.
Të dhënat e grumbulluara dhe të përbashkëta me këto kompani arritën në 1.5 gigabajt gjithsej, të cilat për disa përdorues mund të barazojnë me gjysmën e shpërndarjes mujore të të dhënave. Ndjekësit e aplikacioneve janë të vështirë për tu bllokuar, ndryshe nga cookies, të cilat janë pjesë të kodit të shfletuesit që ju ndjekin ju në internet.
Shumë nga aplikacionet përdorin gjurmuesit për të parë se çfarë përdoruesit po klikojnë, në mënyrë që kompanitë të mund të vlerësojnë se si duket aktiviteti i tyre tek përdoruesit në një nivel më të detajuar. Në raste të tjera, gjurmuesit përdoren në mënyrë që kompanitë e palëve të treta të mund të synojnë reklamat më efektive në aplikacion.
Çështja kryesore është se disa aplikacione nuk shprehin në mënyrë eksplicite se cilat të dhëna janë grumbulluar, sa kohë është e ruajtur dhe kush mund ta përdorë atë. Me sasinë e të dhënave të ndjeshme që gjurmohen nga aplikacionet popullore, shumë veta besojnë se problemi bie mbi Apple për t'i kontrolluar më mirë ato, meqë shpërndan softuerin iOS të cilin ata përdorin.
