Uji në Tokë mund të jetë krijuar falë një familje kometash, përfundim ky i cili vjen pas disa hulumtimeve të reja.
Toka mendohet të jetë formuar si një planet i thatë, i cili më pas siguroi ujë nga një përplasje misterioze me objekte të tjera qiellore.
Vetëm javën e kaluar, planetologët në Universitetin e Münster në Gjermani propozuan që uji mbërriti në Tokë pikërisht në të njëjtën kohë kur Hëna u krijua me ndikimin e Theia mbi 4 miliardë vjet më parë. Para kësaj hipoteze të ujit tëkrijuar nën ndikimin e Theia, shumë shkencëtarë menduan se uji erdhi në tokë nga meteorite ujore nga sistemi i jashtëm diellor.
Tani, një ekip ndërkombëtar i studiuesve mendon se ata kanë prova të forta për këtë teori meteoriti. Ata pretendojnë se kanë gjetur një familje të kometave, të quajtur kometat hiperaktive, që përmbajnë ujë të ngjashëm me ujin që kemi në Tokë dhe mendojmë se duhet të kenë qenë këto kometa që sollën H2O ose ndryshe ujin në planetin tonë.
Hulumtuesit zbuluan burimin e ujit tokësor duke shikuar raportin e izotopeve në lëng. Teksa një kometë i afrohet Diellit, akulli i saj menjëherë kthehet në avujt e ujit dhe këto avuj mund të analizohen në distancë me observatorët ajrorë. Një kometë e quajtur 46P/Wirtanen iu afrua Tokës në dhjetor 2018 dhe u analizua duke përdorur observatorin ajror SOFIA që ishte vendosur në një avion Boeing.
U zbulua se kishte raporte të ngjashme isotopike me ujin tokësor, duke e çuar studiuesin të besonte se kometat hiperaktive ashtu si 46P / Wirtanen ishin përgjegjës për sjelljen e ujit në Tokë.
