Automjetet me hidrogjen mund të jenë e ardhmja e transportit masiv të qëndrueshëm dhe një firmë ka ndërtuar një version të tillë të një taksie fluturuese.
Taksia fluturuese ka gjashtë motorrë në pjesën e sipërme, që i ngjan një droni të madh dhe ka vende të mjaftueshme për pesë njerëz.
Modeli i transportit të pasagjerëve të Skai u zbulua këtë javë, por mjetet mund të përdoren si transportues të ngarkesave dhe ambulanca fluturuese, pretendojnë prodhuesit e saj. Ashtu si një dron, makina e Alaka'i Technologies ulet dhe ngrihet vertikalisht dhe ka kapacitetin për të mbajtur 1,000 kilogramë në një distancë prej 644 kilometrash, dhe mund të udhëtojë deri në 120 km/h.
Krijuesit e këtyre mjeteve ajrore thonë se do të duhet deri në dhjetë vjet që një flotë e taksive të jetë operacionale, por shpreson se ato mund të përdoren në emergjenca paraprakisht. Përdorimi i qelizave të karburantit me hidrogjen do të thotë se është shumë më e lehtë se të tjerat dhe kjo lejon më shumë fleksibilitet në përdorimin e këtij mjeti ajror.
Qelizat e karburantit të hidrogjenit krijojnë energji elektrike për të fuqizuar një bateri dhe motor, duke përzier hidrogjenin me oksigjenin. Emetimet e vetme janë me avull dhe ujë dhe energjia e tepërt mund të ruhen gjithashtu në bateri.
Ai do të kryejë testin e fluturimit nga një pilot në bord duke përdorur një palë joysticks, por teknologjia ekziston për fluturim të komanduar në distancë dhe madje edhe në mënyrë autonome, tha Hanvey. Do të duhen vite përpara se Administrata Federale e Aviacionit të lejojë fluturimin autonom të automjeteve të pasagjerëve.
FAA vetëm këtë vit lehtësoi kufizimet në fluturimin e dronëve të vegjël mbi turmat dhe natën. Automjetet e ngjashme me Drone si Skai duhet së pari të provojnë thjesht aftësinë e tyre fluturuese.
