Linja ajrore holandeze KLM po financon një projekt aeronautik të veçantë, i cili lidhet me formën, duke ndryshuar përgjithmonë strukturën e avionëve komercialë.
Dizajni mahnitës "Flying-V", mbështetur financiarisht nga KLM, ka të njëjtën hapje të krahut me avionët ekzistues dhe është në gjendje të mbajë deri në 314 pasagjerë.
Koncepti i mjetit ajror, i zhvilluar nga hulumtuesit në Delft Technology University në Holandë, zmbrapset diagonalisht prapa nga hunda për të krijuar formën V të mrekullueshme. Dizajnuesit e saj thonë se ky konfigurim unik përdor 20 për qind më pak karburant.
Krahët do të strehonin hapësirën e pasagjerëve, mbajtjen e mallrave, cisternat e karburantit dhe të gjitha infrastrukturat e tjera. Një çift i motorëve turbofan do të ngrihet në pjesën e pasme të tij dhe ky model avioni do të zvogëlojë në mënyrë drastike gjurmët e karbonit të udhëtimit ajror dhe shpenzimet për karburant.
Madhësia e tij e bën atë një rival të krahasueshëm me Airbus A350 dhe Boeing 787 tradicionalë dhe do të jetë në gjendje të përdorë portat, hangarët dhe pistat ekzistuese. Gjerësia totale e avionit është 65m dhe gjatësia e tij do të jetë pak më e shkurtër, 55m.
Detajet e asaj se si do të duket brenda janë të pakta, por në mënyrë të pashmangshme do të lejojë një sërë rregullimesh të reja të tapicerive, dhomave dhe pajisjeve gjithashtu. Mobilje të lehta do t'i mundësojnë avionit që të maksimizojë fitimet e saj në efikasitetin e karburantit.
Dizajni i avionëve të rinj dhe të efektshëm për sa i përket energjisë si Flying-V është irëndësishëm, siç janë edhe format e reja të shtytjes. Qëllimi ynë përfundimtar është fluturimi pa emision, u shpreh një prej dizenjuesve.
