Toka rrezikohet nga nje shperthim i madh i Diellit ne te ardhmen
Dielli mund të lëshojë një super shpërthim të rrallë drejt planetit tonë në 100 vitet e ardhshme, kanë paralajmëruar ekspertët.
Super flare është një shpërthim i madh i energjisë së nxjerrë nga një yll, për arsye që shkencëtarët ende nuk e kuptojnë. Deri kohët e fundit, ekspertët supozonin se ngjarje të tilla ndodhin vetëm në yje të rinj dhe jo në Diellin tonë.
Megjithatë, një studim i ri ka zbuluar se super shpërthimet do të ndodhin nga Dielli ynë, dhe një dukuri e tillë mund të ndodhë në 100 vitet e ardhshme. Yuta Notsu, e cila drejtoi studimin, tha: Studimi ynë tregon se super shpërthimet janë ngjarje të rralla. Por ekziston mundësia që ne mund të përjetojmë një ngjarje të tillë në 100 vitet e ardhshme.
Me keqardhje, nëse një gjë e tillë ndodh dhe ky shpërthim vjen nga dielli, Toka do të ishte direkt në rrugën e një valë rrezatimi me energji të lartë. Kjo mund të pengojë elektronikën anembanë globit, duke shkaktuar ndërprerje të përhapura gjerësisht dhe rrëzuar satelitët e komunikimit. Ndërkohë që shpërthimet me përmasa normale janë të zakonshme në diell, të dhënat nga Teleskopi Hapësinor i Kepler-it zbuluan se super flakët apo shpërthimet ndodhin ndonjëherë.
Kur dielli ishte i ri, ishte shumë aktiv, sepse rrotullohej shumë shpejt dhe me siguri prodhonte flakë më të fuqishme, u shpreh një studiues. Bazuar në gjetjet, studiuesit sugjerojnë se njerëzit duhet të përgatiten për një ngjarje të tillë duke mbrojtur elektronikën në terren dhe në orbitë nga rrezatimi.
