Nëse po planifikoni një udhëtim në Romë atëherë mund të dëshironi ti hidhni një sy rregullave më të fundit të qytetit, të vendosura për turistët.
Kjo për shkak se Këshilli i Qytetit të Romës ka nisur një sërë rregullash të reja për turistët, si ndalimi i valixheve me rrota në zonën e quajtur Spanish Steps dhe ndalimi i vizitorëve të lëvizin nëpër rrugët e qytetit topless.
Autoritetet lokale kanë përditësuar legjislacionin ekzistues që nga viti 1946 për të përfshirë një sërë rregullash të reja në një përpjekje për të futur më shumë "rregullime" mes vendasve dhe turistëve. Disa nga rregullat duken mjaft specifike, për shembull, nëse pini nga një burim uji ju nuk do të lejoheni që buzët tuaja të prekin çezmën metalike.
Të tjerët janë të përqendruar në mbajtjen e rrugëve të Romës të pastra, për shembull duke u ndaluar turistëve të hanë ushqime në vende publike në një mënyrë të çrregullt e cila mund të çojë në hedhjen e mbeturinave. Por nuk janë vetëm turistët që janë të prekur, edhe vendasit gjithashtu janë të detyruar ti zbatojnë.
Për shembull, njerëzit që vishen si ushtarë romakë dhe paguhen për fotot nuk do të lejohen pranë pikave të nxehta siç është Fontana di Trevi ose Koloseu, ndërsa autobusët janë paralajmëruar se është e ndaluar të këndosh ose të luash muzikë me zë të lartë në transportin publik.
Është e paqartë se si autoritetet planifikojnë të zbatojnë rregullat e reja të cilat kanë hyrë në fuqi menjëherë. Megjithatë, policia e qytetit do të jetë duke zbatuar rregulloret dhe turistët e kapur duke thyer rregullat mund të përballen me një gjobë.
