Krijohet anija kozmike qe do mundesoje misionin ne Saturn
Deri në 2028 një sistem nxitës me fuqi bërthamore mund të çojë udhëtimin e hapësirës përpara dhe të shkurtojë kohën e udhëtimit në planetet e largëta.
Zhvilluesit thonë se teknologjia e tyre mund të shkurtojë kohën e udhëtimit për një anije kozmike që i drejtohet Saturnit nga shtatë vjet në vetëm dy. Dhe gjithashtu një udhëtim nëntë vjeçar për Plutonin falë kësaj anijeje kozmike do të duhen vetëm pesë vjet, thonë studiuesit.
Motori punon duke përdorur një përzierje të helium-3 dhe deuteriumit, një version të modifikuar të hidrogjenit me një neutron në thelbin e tij, i cili është i kombinuar me një plazmë të nxehtë. Ky reagim gjeneron një sasi të konsiderueshme energjie me rrezatim minimal dhe drejtohet nga jashtë për të krijuar shtytje.
Teknologjia do të përdorë gjithashtu edhe sasinë masive të nxehtësisë të gjeneruar, duke përdorur atë që njihet si një motor që kthen nënproduktin në energji elektrike. Jo vetëm që motorët futuristikë do të ishin në gjendje të dërgojnë anijet kozmike në destinacionin e tyre më shpejt se metodat tradicionale, por gjithashtu ndihmojnë në ruajtjen e energjisë në mënyrë që sapo të arrijnë, ato të jenë në gjendje të kryejnë misionet më të gjata dhe më të thella.
Shkencëtarët kanë luftuar që nga vitet 1930 për të demonstruar me sukses bashkimin bërthamor, të njëjtin proces që fuqizon yjet, por janë ndeshur me sfidë pas sfide. Ndryshe nga teknologjitë në të kaluarën, kjo anije kozmike përdor metodat e reja si mbyllja magnetike për të mbajtur plazma të densitetit të ulët të qëndrueshme për një kohë më të gjatë dhe për të ngrohur materialin gjatë dhe mjaftueshëm për të arritur bashkimin.
Ndërsa studiuesit nuk kanë arritur bashkimin, ata shpresojnë ta bëjnë këtë deri nga mesi i vitit 2020.
