Britania duket e vendosur të kthehet në epokën e trenave me avull, me lokomotivat të cilat fuqizohen nga hidrogjeni.
Këto mrekulli pothuajse të heshtura nuk lëshojnë gazra serrë dhe prodhojnëavuj uji si shkarkimi i tyre i vetëm. Një version prototip i mjetit, i quajtur HydroFlex, është testuar në Long Marston, Warwickshire.
Nuk dihet ende se kur HydroFlex do të hyjë në shërbim të plotë, por prodhuesi i tij shpreson të të marrë porositë e blerjes nga operatorët e trenave anembanë vendit. Testet fillestare përfshinin kontrollet e sistemit të secilës pjesë të pajisjeve veçmas dhe duke punuar së bashku.
Kompania shprehet se nuk do të duhet të ndërtohen trena të rinj për të inkorporuar në mënyrë specifike sistemin e drejtimit të hidrogjenit, që do të thotë që trenat ekzistues mund të riciklohen, duke ruajtur më tej burime të çmuara.
Qeveria e Britanisë së Madhe po zhvillon aktualisht infrastrukturën për të marrë hidrogjen nga energjia e ripërtëritshme, siç janë fermat e erës, që do ta bënte atë një burim krejtësisht të gjelbër të karburantit në të ardhmen.
Prototipi ynë tregon se si teknologjia me hidrogjen mund të inkorporohet brenda trenave ekzistuese, pa pasur nevojë të modifikojë kontrollet e shoferëve, u shpreh kompania. Është një avantazh emocionues sepse tregon se si kjo teknologji mund të adoptohet në sistemin kryesor për të ofruar transport publik pa emision.
Qelizat e karburantit të hidrogjenit krijojnë energji elektrike për të fuqizuar një bateri dhe motor, duke përzier hidrogjenin me oksigjenin. Emetimet e vetme janë me avull dhe ujë dhe energjia e tepërt ruhen në bateritë litium jon në bordin e trenit.
