Grimcat e vogla të plastikës të cilat mund të përmbajnë baktere që shkaktojnë sëmundje, kanë kontaminuar furnizimet me ujë të pijshëm në të gjithë botën.
Organizata Botërore e Shëndetit ka përpiluar raportin më gjithëpërfshirës deri më sot të provave të mikroplastikës, grimcave të imëta plastike që maten më pak se pesë milimetra.
Mikroplastikat janë zbuluar kudo kohët e fundit, në ujërat detare, ujërat e zeza, ushqim, ajër dhe ujë të pijshëm. OBSH ka ekzaminuar ndikimet e mundshme në shëndetin e njeriut nga ekspozimi ndaj mikroplastikës përmes ujit të pijshëm.
Grimcat më të mëdha mikroplastike, më të mëdha se 150 mikrometra, ka të ngjarë të nxirren jashtë trupit tonë pa na dëmtuar. Por nuk ndodh e njëjta me grimcat më të vogla, të cilat mund të zhyten në organet tona. Studimi gjithashtu sugjeron që mikroplastikët kanë potencial të mbajnë bakteret që shkaktojnë sëmundje dhe të ndihmojnë bakteret të bëhen rezistente ndaj antibiotikëve.
Deri më tani ka pasur shumë pak kërkime që janë marrë me çështjen e mikroplastikës në ujin e pijshëm, paralajmëron raporti i OBSH. Bazuar në të dhënat ekzistuese, rreziku për shëndetin që paraqet mikroplastika gjykohet të jetë i ulët sepse grimcat më të mëdha se 150 mikrometra nuk ka gjasa të thithen në trupin e njeriut përmes zorrëve.
Raporti rekomandon që furnizuesit dhe rregullatorët e ujit të pijshëm të japin përparësi në heqjen e baktereve që shkaktojnë sëmundje dhe kimikate të dëmshme nga furnizimi me ujë. Deri në 90 përqind të mikroplastikës mund të hiqen përmes trajtimeve të ujit, me filtrimin që zbulohet se është metoda më efektive.
