Londra krijon sistemin e ngrohjes qe fuqizohet nga nentoka
Londinezët shpesh ankohen për temperaturat e larta në linjën e metrosë, por vapa nëntokësore së shpejti mund të përdoret për të ngrohur shtëpitë në muajt e ftohtë.
Nxehtësia flakëruese e linjës Veriore, e cila shkon nga Morden në jug-perëndim të kryeqytetit deri në High Barnet dhe Edgware në veri, së shpejti mund të shfrytëzohet për të ngrohur shtëpitë në Islington nën një sistem të ri.
Bizneset dhe shtëpitë nën sistemin e ngrohjes së rrethit Islington do të shohin që vapa do të kalojë nga trenat nëntokësorë tek tubat e tyre deri në fund të vitit. Rrjeti aktualisht mban 700 shtëpi, shkolla dhe një qendër argëtimi me nxehtësinë e krijuar në qendrën e energjisë Bunhill. Por, faza tjetër e projektit, do të shtrihet në 450 shtëpi të tjera.
Projekti mund të jetë një katalizator për sistemet e ngrohjes qendrore në të gjithë Londrën, dhe Mbretërinë e Bashkuar. Qeveria është zotuar të ndalojë kaldaja që përdorin gaz në shtëpi të reja nga viti 2025, duke çuar në një rritje të përdorimit të energjisë së rinovueshme. Pothuajse gjysma e energjisë së përdorur në Mbretërinë e Bashkuar është për ngrohje, dhe një e treta e emetimeve në vend janë nga ngrohja.
Me deklarimin e qeverisë se ne duhet të jemi neutral ndaj karbonit brenda 30 viteve, ne kemi nevojë për të gjetur një mënyrë për të nxjerrë karbonin nga sistemi ynë i ngrohjes tha ai.
