Kombet duhet te parandalojne katastrofen klimatike sipas OKB
Ekspertët konfirmojnë se fundi i 2019 do shënojë periudhën më të nxehtë të 5 viteve të fundit dhe kombet duhet të rrisin përpjekjet për të frenuar trefishin e emetimeve.
Rritja e temperaturave mesatare globale nga 2015 do të thotë që gjysma e dekadës së fundit është në rrjedhën e duhur për të arritur rekordin e dyshimtë, sipas një raporti mbi dëmet.
Organizata Botërore e Meteorologjisë ka bërë zbulimin përpara një samiti të madh të klimës së OKB në Nju Jork. Në samit morën pjesë më shumë se 60 liderë botërorë. Raporti 'nënvizon nevojën urgjente për zhvillimin e veprimeve konkrete që ndalojnë ngrohjen globale dhe efektet më të këqija të ndryshimit të klimës, u tha në samit.
Periudha aktuale vlerësohet të jetë 1.1°C mbi kohën paraindustriale (1850-1900) dhe 0.2 gradë Celsius më e ngrohtë se 2011-2015. Shifrat kryesore gjithashtu po bëjnë presion që vendet të trefishojnë objektivat e tyre të shkurtimit të emetimeve për të kufizuar ngrohjen globale në rritjen e 2°C të përshkruar në Marrëveshjen e Parisit.
Katër vitet e kaluara ishin tashmë më të nxehtit që nga fillimi i regjitrimeve në 1850. Sekretari i Përgjithshëm Antonio Guterres po bën presion për vendet që të rrisin objektivat e tyre të reduktimit të gazit serë. Ai tha që bota ishte duke 'humbur garën' për ndryshimin e klimës, dhe raporti i fundit tregon se në ç'masë rritet hendeku midis asaj që kërkohet dhe asaj që po ndodh.
Në vend që të binte, dioksidi i karbonit u rrit dy përqind për vitin 2018, duke arritur një rekord të lartë prej 37 miliardë ton. Por edhe nëse të gjitha vendet i përmbushin qëllimet që ata i vendosin vetes, bota do të ngrohet me 2.9 gradë Celsius në 3.4 gradë Celsius, zbulohet në raport.
