nhow Amsterdam RAI, hoteli me strukture te crregullt
Në 2015 projekti i firmës arkitekturore OMA, për një hotel në Amsterdam nisi të zbatohet dhe struktura e pazakontë përfundoi në fillim të vitit 2019.
E vendosur në zonën e zhvillimit të biznesit të qytetit Zuidas, ndërtesa do të jetë hoteli kryesor për qendrën kryesore të kongresit dhe ekspozitës të Amsterdamit.
Projekti do të përmbajë gjithsej 650 dhoma, si dhe një restorant, një bar dhe një studio televizive të transmetimit direkt. Të tre vëllimet e zhvendosura trekëndore të hotelit New Nhow Amsterdam RAI janë një shtesë unike e horizontit të amsterdamit, thotë OMA.
Forma e ndërtesës 91 metra të lartë tërheq vëmendjen që nga kolona trekëndore e reklamave në Europaplein e cila dikur ishte aq e spikatur në vend, por tani është kapërcyer nga shumë ndërtesa zyrash që janë ngritur në afërsi të tij. Holli i hotelit është i shperndarë në dy kate, me dyqane me pakicë në katin e parë dhe një sallë pritjeje hoteli dhe bar sipër.
19 nga 24 katet e ndërtesës janë zënë nga hoteli, me objektet publike dhe gjysmë publike në katet e larta. Nivelet më të larta, të emërtuara "në ajër", përfshijnë salla takimesh dhe konferencash, sallë pritjeje dhe një studio transmetimi, nga e cila mund të regjistrohet një shfaqje e përditshme televizive.
