Scania, një ofrues kryesor në botë i transportit, përfshirë kamionë dhe autobusë, ka zbuluar Scania AXL, një kamion plotësisht autonom dhe pa kabinë.
Zhvillimi i automjetit të rëndë vetëdrejtues përmban sistemin modular të kompanisë në qendër të projektimit.
Me kamionin e konceptit Scania AXL, ne po bëjmë një hap të rëndësishëm drejt sistemeve të transportit të zgjuar të së ardhmes, ku automjetet vetë-drejtuese do të luajnë një rol të natyrshëm, komenton presidenti dhe CEO i Scania.
Ne vazhdojmë të ndërtojmë dhe pilotojmë koncepte për të demonstruar se çfarë mund të bëjmë me teknologjinë që është në dispozicion sot. Industritë po kërkojnë të modernizojnë detyrat e transportit dhe t'i bëjnë ato më të qëndrueshëm, prandaj po marrin gjithnjë e më shumë në konsideratë përdorimin e automjeteve vetë-drejtuese.
Minierat dhe zonat e mëdha të mbyllura të ndërtimeve janë shembuj të mjediseve që janë të favorshme për këto lloj automjetesh pasi ato janë lokacione të kontrolluara mirë. Scania AXL është e përkryer për këtë pasi drejtohet dhe monitorohet nga një mjedis kontrolli inteligjent.
Në miniera, për shembull, operacionet autonome lehtësohen nga një sistem logjistik që i thotë automjetit se si duhet të kryejë. Scania AXL nuk ka një kabinë dhe kjo ndryshon në mënyrë të konsiderueshme lojën, u shpreh kompania.
Zhvillimi i automjeteve autonome ka bërë përparime të mëdha në vitet e kaluara. Karakteristikat dhe dizajni i fortë dhe i fuqishëm i Scania AXL përputhet me mjediset më të vështira dhe minierat dhe zonat e mëdha të ndërtimit.
