Qantas bëri histori pas fluturimit të saj më të gjatë komercial pa ndalesa, të realizuar me sukses nga Nju Jorku në Sidnej, të Dielën në mëngjes.
Fluturimi provë, i bërë nga grupi i linjës ajrore tregtare Australiane Qantas, u ngrit nga aeroporti JFK në 9.27 pasdite të Premten dhe u ul në Sidnej në 7.33 të Dielën.
Pasagjerët kryesisht ishin të përbërë nga punonjës të Qantas me numra të kufizuar për të minimizuar peshën në bordin e avionit Boeing 787-9. Avioni udhëtoi më shumë se 10,000 milje pa u rifurnizuar me karburant, një arritje e pamundur më parë nga asnjë avion tjetër. Fluturimi zgjati 19 orë e 16 minuta për të udhëtuar 16.200 km rreth globit.
Shefi ekzekutiv i Grupit Qantas Alan Joyce tha: Ne filluam me drekë dhe mbajtëm dritat e ndezura për gjashtë orët e para, për të përputhur kohën e ditës në destinacionin tonë. Është e gjitha një eksperiment për të parë nëse linjat ajrore mund të rregullojnë orarin e tyre të ushqimit, pijeve, stërvitjes dhe ndriçimit që të jenë në sinkron me kohën e destinacionit.
Qëllimi i fluturimit rekord, i quajtur Project Sunrise, ishte të bënte kërkime shkencore mbi pasagjerët dhe ekuipazhin në fluturime shtesë. Ky është vërtet moment historik për aviacionin Australian dhe një moment me të vërtetë historik për aviacionin botëror, tha kompania. Ne jemi linja e parë ajrore tregtare që fluturon pa ndalesë nga Nju Jorku në Sidnej.
Nëse të dhënat nga fluturimet e provës sugjerojnë fluturime pa ndalesë nuk do të paraqesin rrezik shëndetësor për ekuipazhin dhe pasagjerët, fluturimet do të fillonin në vitin 2022/2023.
