Huawei Mate X del ne Nentor me nje cmim marramendes
Një telefon i palosshëm nga gjigandi i teknologjisë kineze, Huawei Mate X, më në fund do të dalë në shitje muajin tjetër pas vonesave të shumta.
Kompania njoftoi se do të fillojë shitjet e telefonit të saj të palosshëm Mate X në Kinë në 15 nëntor dhe u shpreh se është në procesin e hartimit të planeve për një shitje ndërkombëtare.
Strategjia jonë është e bazuar në vendosjen e 5G në rajone të ndryshme, tha Huawei në një deklaratë. Deri më tani, Huawei e ka bërë të disponueshëm Huawei Mate X në tregun e Kinës më 15 nëntor. Mate X i Huawei është ndër telefonat e parë që nis një frymë të re të pajisjes së palosshme dhe vjen me një ekran të palosshëm që mund të përdoret në dy konfigurime.
Kur është i hapur, ekrani ka përmasat 8 inç dhe ka pamjen e një tablete. Ndërsa i mbyllur, telefoni formon një ekran më tradicional prej 6.6 inç. Dyshimi më i madh për Mate X do të jetë qëndrueshmëria pasi ekrani i telefonit mbështillet përreth mënteshës në pjesën e jashtme në vend që të paloset nga brenda.
Kjo do të thotë që ekrani i telefonit është ekspozuar vazhdimisht dhe mund të çojë në probleme të ngjashme me ato me të cilat përballet konkurrenti i saj i drejtpërdrejtë Galaxy Fold. Fold i Samsung, i cili vjen me një çmim më të ulët prej 1,980 dollarë, kohët e fundit doli në shitje pas problemeve të shumta me ekranin.
Në mesin e çështjeve ishin pluhuri dhe grimcat që gjetën rrugën e tyre nën ekran dhe duke shkaktuar defekte përveç ndërhyrjes në mekanizmin e palosjes. Mate X u vonua në qershor dhe përsëri në gusht, megjithëse nuk dihet saktësisht se çfarë po shkaktonte shtyrjen.
