Apple do të detyrohet të bëjë ndryshime drastike në iPhonët e ardhshëm nëse ato do të shiten në Bashkimin Evropian.
Ligjvënësit e BE-së sot kërkuan në mënyrë dërrmuese rregulla për krijimin e një karikuesi universal për të gjitha pajisjet mobile, duke e detyruar në mënyrë efektive Apple të heqë dorë nga fisha e saj Lightning cable.
Apple javën e kaluar kritikoi publikisht këtë veprim dhe tha se do të prodhonte një "vëllim të paparë të mbeturinave elektronike" dhe do të krijonte një ndrydhjetë inovacionit.
Anëtarët e Parlamentit Evropian votuan me 582-40 për një rezolutë që i kërkonte Komisionit Evropian, i cili harton ligjet e BE, të propozojë dispozita të detyrueshme duke siguruar që konsumatorët e BE nuk janë të detyruar të blejnë karikues të rinj për çdo pajisje të re.
Komisioni duhet të miratojë rregulla të reja deri në korrik, thuhet në rezolutë. Kompania amerikane këmbëngul që kablloja e saj Lightning që ngarkon iPhonët është pjesë e një qëndrimi për 'inovacion'.
Një javë më parë, një zëdhënës i Apple tha: Legjislacioni do të ketë një ndikim të drejtpërdrejtë negativ duke prishur qindra miliona pajisje dhe aksesorë shtesë të përdorura nga klientët tanë evropianë dhe madje edhe më shumë klientë të Apple në të gjithë botën, duke krijuar një vëllim të paparë të mbeturinave elektronike.
