Linja e rradhës e produkteve për tu prezantuar nga Samsung ka pasur gjithnjë rrjedhje të informacioneve, por kësaj radhe, faji ishte i vetë kompanisë.
Të hënën, Samsung aksidentalisht zbuloi detaje të folësit të saj inteligjent, Galaxy Home Mini në një postim të ngarkuar në faqen e saj të Koresë së Jugut që është fshirë më pas menjëherë.
Sipas njoftimit për shtyp, folësi do të dalë në Korenë e Jugut në 12 shkurt dhe do të kushtojë 83 dollarë. Samsung përshkroi detaje të ndryshme të altoparlantit të zgjuar të kompanisë. Galaxy Home Mini mund të kontrollojë lirshëm pajisjet e ndryshme përmes komandave zanore përmes Bixby.
Dy mikrofona janë ndërtuar për të mbështetur njohjen e të folurit në distanca të gjata, thuhet në njoftim. Galaxy Home Mini ju lejon të bëni, pranoni dhe dërgoni dhe merrni mesazhe vetëm me zërin tuaj pa e lidhur smartphone-in tuaj.
Kur lidhet me një sensor të jashtëm, ai zbulon situata emergjente të tilla si zjarri, tymi dhe rrjedhjet e gazit dhe mundëson njoftime të shpejta. Gjithashtu ju tregon nëse pajisja juaj po punon ose kur duhet të zëvendësohet.
Ndërsa pajisja është mbajtur disi e fshehtë, ajo ka të ngjarë të zbulohet në një ngjarje madhore nga gjigandi i teknologjisë javën e ardhshme. Në atë event, Samsung pritet të lëshojë telefonin e tij të ardhshëm, Galaxy S20 dhe S20 Plus.
