Ne te ardhmen linjat ajrore do shkurtojne pasagjere

Linjat ajrore mund të detyrohen të shkurtojnë numrin e pasagjerëve ose të operojnë vetëm nga aeroporte me pista të gjata për shkak të ndikimit të ndryshimit të klimës.    

Ekspertët në shkencë dhe inxhinieri nga Greqia dhe Britania e Madhe studiuan gjashtë dekada të dhëna moti dhe aviacioni nga 10 aeroporte Greke. 

Studimi zbuloi se ngrohja globale tashmë kishte një efekt në shpejtësinë e erës dhe temperaturën e ajrit. Erërat po bëhen më të ngadalta dhe ajri po ngrohet, kushte që e bëjnë më të vështirë që avioni të zbritet nga toka dhe kështu bëjnë që ajo të ketë nevojë për një pistë më të gjatë. 

Alternativa për pistën më të gjatë është ulja e karburantit që do të thotë se ato nuk mund të fluturojnë aq larg ose të zvogëlojnë numrat e pasagjerëve, duke çuar në kufijtë e fitimit më të ulët. Një mundësi është zgjatja e pistave për të lejuar që të arrihen shpejtësi më të larta të ngritjes. 

Asnjë nga këto nuk është zgjidhje tërheqëse, por mund të duhet të përdorim ato në të ardhmen, përveç nëse frenohet ndryshimi i klimës, u shpreh ekipi  studiues. Gjatë studimit të 10 aeroporteve të ndryshme greke, ata ekzaminuan kushtet e sipërfaqes, temperaturën dhe pjerrësinë e pistës.

Studiuesit vëzhguan kushtet e ngritjes për dy lloje të avionëve të pasagjerëve me madhësi të mesme Airbus A320, dhe më të vogël de Havilland DHC8-400. Ekipi llogariti distancën e ngritjes së nevojshme dhe peshën maksimale të mundshme të ngritjes për të dy avionët. 

Ata gjetën se distanca e ngritjes që kërkohej për A320 u rrit mesatarisht me 8.9 këmbë në vit ndërsa për DHC8-400 ishte me 4.6 këmbë në vit. Të dy avionët rezultuan gjithashtu që morën një kohë më të gjatë për t'u ngritur.

Më të lexuarat