Afrika mund të shohë diku midis 300,000 dhe 3.3 milion vdekje për shkak të koronavirusit, sipas Komisionit Ekonomik të OKB për Afrikën (UNECA).
Ai paralajmëroi që nëse kontinenti nuk zbaton masa për të parandaluar përhapjen e virusit, atëherë infeksionet totale mund të dalin jashtë kontrollit dhe të arrijnë 1.2 miliardë.
Por nëse zbatohen masa intensive për distancimin shoqëror, numri i infeksioneve totale mund të bjerë në 122 milion deri në fund të pandemisë. Rasti i parë i konfirmuar COVID-19 në Afrikë u raportua në Egjipt në 14 shkurt dhe që nga atëherë ka pasur më shumë se 18,000 raste të konfirmuara.
Algjeria ka vdekjet më të medha nga COVID-19 në Afrikë me 348, me Egjiptin, Marokun dhe Afrikën e Jugut vendet e ardhshme më të goditura. Një studim i veçantë ka zbuluar se më shumë se 16milion afrikanë ka të ngjarë të infektohen deri në fund të qershorit.
Modeli i tyre matematikor parashikon se më shumë se 20,000 njerëz në kontinent do të humbin jetën e tyre në COVID-19 vetëm gjatë 10 javëve të ardhshme. Shkencëtarët paralajmërojnë se këto shifra janë shumë të pasigurta.
Ata thonë se shifra e vërtetë për numrat e infeksioneve totale në Afrikë deri në fund të qershorit 2020 mund të jetë aq e ulët sa 2.7 milion ose 98.4 milion, në varësi të mënyrës se si kontinenti i përgjigjet shpërthimit. Kjo do të çonte në një numër vdekjesh prej rreth 3.500 dhe 126,000 njerëz, deri më 30 qershor 2020.
Zyrtarë të OBSH deklaruan se Afrika mund të bëhet epiqendra tjetër e pandemisë globale, përveç nëse përhapja e virusit nuk përmbahet. Luftimi i sëmundjes do të komplikohet nga fakti se 36% e afrikanëve nuk kanë qasje në pajisjet e larjes së familjeve, dhe kontinenti numëron vetëm 1.8 shtretër spitalorë për 1.000 njerëz.
