Koronavirusi ka pezulluar fluturimet në të gjithë botën, por një firmë italiane po punon për një koncept që lejon udhëtimin e sigurt gjatë pandemisë.
Projekti i krijuar nga Avio Interiors, përfshin një kapak mbrojtës që krijojnë një mbeshtjellje përreth secilës ndenjëse për të shtuar një distancë midis pasagjerëve.
Një dizajn i veçantë tregon sediljen 'Janus', e cil lejon izolimin maksimal midis pasagjerëve të ulur pranë njëri-tjetrit. Këto koncepte mund të jenë përgjigjja për të ndjekur rregullat e distancës sociale pa përdorur masa që do të linin vende bosh në avion.
Koronavirusi, i cili filloi të përhapet në dhjetor 2019, çoi në një ulje të mprehtë të kërkesës së udhëtimit ajror në SH.B.A. që në shkurt. Ulja e kapacitetit të linjës ajrore globale, e matur nga sa ndenjëse mbesin bosh, tani është më e madhe se pas sulmeve terroriste të 11 shtatorit 2001, thonë analistët e industrisë.
'Glassafe' është bërë nga materiale transparente për ta bërë të gjithë kabinën harmonike dhe estetikisht të lehtë, por duke përmbushur në mënyrë perfekte objektivin e krijimit të një vëllimi të izoluar rreth pasagjerit.
Një paraqitje e veçantë sugjeron kthimin e sediljes së mesme në drejtimin e kundërt, duke u siguruar të tre pasagjerëve një pengesë mbrojtëse dhe pasagjerit te mesëm më shumë hapësirë ​​se vendosja tradicionale.
Ky dizajn lejon që të tre pasagjerët të ndahen me një mburojë të bërë nga materiale transparente që i izolojnë ata nga njëri-tjetri, duke krijuar një pengesë mbrojtëse për të gjithë. Cdo pasagjer ka hapësirën e tij të izoluar nga të tjerët, madje edhe nga njerëz që ecin nëpër rresht.
