Shkencetaret synojne 1 mld doza te vaksines ne shtator
AstraZeneca ka thënë se ka aftësinë për të prodhuar një miliard doza të vaksinës së mundshme të Covid-19 dhe do të fillojë furnizimin në shtator.
Firma farmaceutike tha se ka siguruar marrëveshjet e para për të paktën 400 milion doza të vaksinës. Ajo tha se synon të përfundojë marrëveshje të mëtejshme në mënyrë që të zgjerojë kapacitetin gjatë disa muajve të ardhshëm për "të siguruar dorëzimin e një vaksine globalisht të arritshme".
Të hënën, Ministri i Shëndetësisë tha se nëse kandidati i vaksinës Covid-19 i Universitetit të Oksfordit provohet i suksesshëm, atëherë 30 milion doza për Mbretërinë e Bashkuar mund të jenë në dispozicion deri në shtator.
AstraZeneca tha që tani ka finalizuar marrëveshjen e licencës me Universitetin e Oksfordit për "vaksinën rekombinante të adenovirus", e cila tani do të njihet si AZD1222. Kjo pandemi është një tragjedi globale dhe është një sfidë për të gjithë njerëzimin, u shpreh kompania.
Ne kemi nevojë për të mposhtur virusin së bashku ose ai do të vazhdojë të shkaktojë vuajtje të mëdha personale dhe të lërë plagë të qëndrueshme ekonomike dhe sociale në çdo vend të botës.
Kompania tha të enjten që është marrë më shumë se një miliard dollarë amerikanë nga Autoriteti i Kërkimit dhe Zhvillimit të Avancuar Biomjekësor i SH.B.A.-së (Barda) për zhvillimin, prodhimin dhe shpërndarjen e vaksinës, duke filluar nga vjeshta.
