Shkencetaret holandez zgjidhin perfundimisht misterin e ndertimit te piramidave egjiptiane
Hulumtuesit kanë konfirmuar një teori se si Egjiptianët kanë ndërtuar piramidat në mënyrë të veçantë. Si ata ishin në gjendje që të transportonin blloqet e mëdha të gurit?
Shkencëtarët holandez pretendojnë se kanë zgjidhur përfundimisht misterin e ndërtimit të piramidave egjiptiane. Eksperimentet e reja kanë provuar se rëra e lagur është çelësi për zgjidhjen e misterit.Bota është munduar prej qindra vjetësh për të gjetur sesi kanë mundur skllevërit të transportojnë blloqet e mëdha në vitin 2000 para erës sonë.
Tani shkencëtarët kanë dalë në një përfundimin që përban dy fjalë të thjeshta: “rëra e lagur”.Kërkuesit holandez kanë kuptuar se egjiptianët vendosnin objekte të rënda në një slitë , të tërhequr prej qindra punëtorësh dhe më pas thjesht derdhnin ujë në rërën përpara slitës.
Eksperimentet në Universitetin e Amsterdamit provuan se sasia e duhur e lagështisë së rërës përgjysmon forcën që duhet për të tërhequr një objekt. Sekreti qëndron në dy pika kryesore, tek rëra e lagur dhe tek sasia e duhur e lagështisë. Një statujë në varrin e Djehutihotep tregon një person që qëndron përpara slitës që tërhiqet duke derdhur ujë në rërë. Shkencëtarët besojnë se ky truk i vjetër egjiptian, mund të ndihmojë edhe në disa element të ndërtimit sot.
