AstraZeneca po injekton vullnetarë me kurën e re me antitrupa, në përpjekje për të parë nëse do mbrojë njerëzit dhe do ndihmojë pacientët që tashmë janë sëmurë.
Kompania britanike shpreson se terapia monoklonale e antitrupave do të dëshmojë të jetë efektiv ndaj Covid. Trajtimi funksionon duke pompuar antitrupa, molekula natyrale që luftojnë virusin, te njerëzit që nuk kanë.
Këto antitrupa janë marrë nga pacientët të cilët kanë pasur tashmë sëmundjen dhe prodhojnë substanca të duhura për ti rezistuar. Nëse terapia e AstraZeneca funksionon, mund të jetë një mënyrë për të pajisur sistemet imune të njerëzve për të luftuar koronavirusin, edhe nëse ata kurrë nuk e kanë pasur atë.
Firma konfirmoi sot se trajtimi tani ka filluar provat njerëzore në një grup prej 48 vullnetarësh të rritur në MB. Trajtimi i AstraZeneca, i njohur aktualisht si AZD7442, është një kombinim i dy antitrupave monoklonal. Antitrupat janë substanca të prodhuara dhe të depozituara nga sistemi imunitar për të trajtuar një pushtues, siç është koronavirusi.
Prania e një lloji specifik të antitrupave në gjakun e dikuj, për shembull Covid-19, zakonisht tregon se dikush tashmë ka pasur një sëmundje. Ndonjëherë do të thotë që pacientët nuk kanë gjasa ta marrin përsëri, por nuk është e qartë nëse ky është rasti për virusin SARS-CoV-2.
Terapia monoklonale e antitrupave funksionon duke marrë këto antitrupa nga njerëz që kanë pasur tashmë koronavirus, dhe duke i klonuar ato në një laborator. Antitrupat e klonuar më pas vendosen në një solucion dhe injektohen tek një pacient që nuk ka pasur Covid-19, për të forcuar sistemin e tyre imunitar.
Ai forcon sistemin imunitar sepse terapia nënkupton që nëse dikush është i ekspozuar ndaj virusit ose tashmë e ka kapur atë, trupi i tyre në mënyrë efektive merr një grup ushtarësh shtesë për ta luftuar atë.
