Pacientët me koronavirus të shtruar në spital vuajnë ende dëmtime në mushkëri tre muaj pasi janë dërguar në shtëpi, zbuloi një studim.
Gjendja e shumicës së njerëzve përmirësohet brenda gjashtë javësh, por studiuesit zbuluan se disa luftuan me marrje fryme dhe kollitje për shumë më gjatë se aq.
Studiuesit në institucione të ndryshme në rajonin e Tirolit të Austrisë u kërkuan pacientëve me koronavirus të cilët ishin pranuar në spital të ktheheshin për kontroll gjashtë, 12 dhe 24 javë pasi ishin lëshuar.
Në kohën e vlerësimit të tyre të parë, më shumë se gjysma e pacientëve kishin të paktën një simptomë të vazhdueshme, kryesisht frymëmarrje dhe kollitje, dhe skanimet me CT treguan ende dëmtime të mushkërive në 88 përqind. Por në kohën e vizitës së tyre të rradhës simptomat ishin përmirësuar dhe dëmtimi i mushkërive u zvogëlua në 56 përqind.
Është shumë herët të kemi rezultate nga vlerësimet në 24 javë. Dr Sabina Sahanic pjesë e ekipit që kreu studimin, tha: Lajmi i keq është se njerëzit tregojnë dëmtim të mushkërive nga Covid-19 javë pas daljes. lajmi i mirë është se dëmtimi tenton të përmirësohet me kalimin e kohës, gjë që sugjeron se mushkëritë kanë një mekanizëm për të riparuar veten e tyre.
Në vizitën gjashtë javore, ekokardiogramet treguan se 48 pacientë (58.5%) kishin mosfunksionim të barkushes së majtë të zemrës në pikën kur ajo është relaksuese dhe zgjeruese (diastola). Treguesit biologjikë të dëmtimit të zemrës, mpiksjes së gjakut dhe inflamacionit u ngritën të gjithë në mënyrë të konsiderueshme.
