Më shumë prova kanë dalë se pandemia e Covid nisi para se Kina të raportonte, pasi shkencëtarët thonë se kishte pacientë me simptoma të virusit para Krishtlindjeve.
Mjekët në Universitetin e Kalifornisë, që kërkuan miliona të dhëna të vjetra mjekësore gjetën një rritje të shtrimeve me kollë dhe dështim të mushkërive duke filluar në dhjetor, i cili vazhdoi deri në shkurt.
Gjatë atyre muajve, kishte 50 përqind më shumë të këtyre rasteve sesa kishte parë sistemi spitalor gjatë asaj periudhe për pesë vitet e mëparshme, dhe ata kanë drejtuar gishtin në Covid-19. Shkencëtarët thonë se, në mes të Dhjetorit dhe Shkurtit, mund të kenë qenë rreth 1000 pacientë me koronavirus në Los Anxhelos.
Gjetja është botuar pasi vetëm dje një familje britanike doli me një raport të mjekut duke thënë se i afërmi i tyre, vdiq nga koronavirus pasi e kapi atë në dhjetor. Vdekja e tij erdhi dy muaj para se vdekja e parë të regjistrohej zyrtarisht në Britani dhe i ishte atribuar zyrtarisht sëmundjes, pavarësisht se Kina nuk njoftoi ekzistencën e saj.
Pekini ka pretenduar prej kohësh se sëmundja u regjistrua për herë të parë në një treg në Wuhan pak para Krishtlindjeve, me qeverinë kineze që nuk e raportoi atë në Organizatën Botërore të Shëndetësisë deri më 31 dhjetor.
Ekipi i UCLA analizoi më shumë se 10 milion regjistra të pacientëve nga 1 dhjetori 2019 deri më 29 shkurt 2020. Vizitat në klinika për kollën tejkaluan numrin mesatar të vizitave ambulatore për ankesa të ngjashme gjatë së njëjtës periudhë me më shumë se 50 përqind.
