Prodhuesi ikonik Mercedes-Benz njoftoi një ndërrim të ri të ingranazheve, duke nënkuptuar se do të ndalojë prodhimin e automjeteve me transmision manual.
Shefi i kompanisë deklaroi se Mercedes-Benz do të eleminojë transmisionet manuale, në mënyrë që të minimizojë kostot dhe të përmirësojë prodhimin.
Nuk është asnjë lajm i ri që transmisionet manuale do të hiqeshin gradualisht, por jo shumë prodhues automjetesh janë ngritur në këmbë dhe kanë deklaruar hapur se zyrtarisht po ndalonin prodhimin e tyre.
Deri më tani, Audi bëri kalimin, me Mercedes-Benz që tani ndjek zyrtarisht shembullin. Schäfer shpjegoi se Mercedes-Benz po shkon përpara me një "ulje thelbësore në platforma" dhe një "reduktim shumë dramatik të motorëve me djegie". Ky lajm do të merret ndryshe në varësi të vendit ku ndodheni.
Sidoqoftë, për drejtuesit evropianë, të cilët zakonisht janë entuziastë të transmisionit manual, ky ndryshim mund të mos jetë aq i mirëpritur. Makinat e Mercedes-Benz që ofrohen ende me transmision manual tashmë janë të vështira për tu gjetur.
Ne do të zvogëlojmë portofolin tonë të motorëve ICE me 40 % deri në vitin 2025 dhe deri në 70 përqind deri në 2030, u shpreh kompania. Kjo përfshin që ne nuk do të ofrojmë automjete manuale në periudhën afatmesme. Sidoqoftë, ky ndryshim do të ndodhë 'natyrshëm' kur të kalojmë në një brez të ri automjetesh.
