Punonjësit e një kompanie italiane janë të lidhur me një pajisje që ndizet, dridhet dhe bën tinguj të bezdisshëm nëse ndodhen brenda 2 metrave larg nga njëri-tjetri.
IK Multimedia, i njohur për krijimin e mikrofonave për të lidhur kitarat me telefonat inteligjentë, ka shtuar pajisjet e lidhura me pandeminë në linjën e saj të produkteve.
CEO Enrico Iori po përdor pajisjet për punonjësit e tij në Itali dhe SHBA për të zbatuar rekomandimin e distancës sociale për kufizimin e përhapjes së Covid. Safe Spacer është një pajisje e vogël, në formë katrore që është projektuar me teknologji me bandë ultra të gjerë që sipas firmës, është 10 herë më e saktë se Bluetooth.
Pajisja mund të vendoset në raste të ndryshme duke përfshirë një orë apo zinxhir çelësash dhe është në dispozicion për 99 dollarë. Pajisja gumëzhin dhe dridhet. Ajo përmban një etiketë unike ID dhe memorie të integruar për tu shoqëruar në mënyrë opsionale me emrat e punëtorëve për gjurmimin e kontakteve të padëshiruara.
Të dhënat e mbledhura mund të merren nga ngarkuesi S gjatë karikimit, ose wireless përmes njësisë opsionale të hyrjes S-Bridge UWB. Këto mund të pozicionohen në vendndodhje strategjike për të lexuar të dhënat nga pajisjet Safe Spacer ndërsa përdoruesit afrohen, duke eleminuar radhët e gjata të punonjësve për të shkarkuar të dhënat e pajisjeve të tyre.
Ai mbledh vulat kohore të shkeljeve të distancës sociale dhe punëdhënësit mund ta vendosin paraprakisht me pragje specifike të distancës dhe alarme. Firma thotë se e vetmja e dhënë e ruajtur është ID-ja dhe afërsia e Safe Spacer.
