Zbulohen rastet e para te infektimit me 2 variante
Dy pacientë në Brazil kanë rezultuar pozitivë për më shumë se një lloj koronavirusi në të njëjtën kohë, dhe besohet të jetë infeksioni i parë i dyfishtë në botë.
Studiuesit në Universitetin Feevale e bënë zbulimin pasi testuan 90 persona të infektuar në Rio Grande do Sul, Brazili i Jugut.
Një prej pacientëve doli pozitiv për dy lloje braziliane të cilat evoluan veçmas në shtete të ndryshme, të njohur si P.1 dhe P.2. P.1 ka shkaktuar alarm ndërkombëtar sepse duket se është disi rezistent ndaj vaksinave, gjë që ka çuar që Britania të ndalojë të gjitha udhëtimet nga Amerika e Jugut.
Një tjetër pacient doli pozitiv për P.2 dhe llojin B.1.91, i cili u shfaq për herë të parë në Suedi, në të njëjtën kohë, sipas studimit. Fernando Spilki, studiuesi kryesor në studim, tha se kishte frikë se bashkë-infeksionet do të gjeneronin kombinime dhe do të gjeneronin variante të reja edhe më shpejt.
Dr John McCauley, tha se ishte e mundur që dikush të infektohet nga dy lloje në të njëjtën kohë, gjë që mund të ndodhë me gripin. Ai paralajmëroi se, megjithëse nuk kishte gjasa, ishte gjithashtu biologjikisht e mundur që të dy llojet mund të ndërhyjnë me njëri-tjetrin dhe të ndërrojnë kodin gjenetik.
Brazili është në mes të një vale shkatërruese të dytë të Covid, me më shumë se 1.000 vdekje në ditë dhe ka numrin e dytë më të lartë të fataliteteve në të gjithë botën.
Të paktën dy variante kanë dalë nga atje, gjë që ekspertët besojnë se është për shkak të një niveli kaq të lartë të transmetimit të qëndrueshëm dhe shumë të tjerë janë në qarkullim.
