Universiteti i Oksfordit dhe AstraZeneca planifikojnë të kenë një vaksinë të re Covid gati në vjeshtë për të trajtuar variante të reja të koronavirusit.
Provat në rritje sugjerojnë se një mutacion i virusit i parë për herë të parë në variantin e Afrikës së Jugut mund të zvogëlojë efektivitetin e vaksinave aktuale, sepse ndryshon formën e proteinave spike që synojnë vaksinat.
Prodhuesit e vaksinave thonë se ata tashmë janë duke punuar në azhornimin e vaksinave të tyre sepse ato duhet të jenë jashtëzakonisht specifike për të ofruar formën më të mirë të mbrojtjes. Ekipi i Oxford/AstraZeneca thonë se ata do të kenë gati dhe prodhuar versionin e tyre të adaptuar para fundit të vitit 2021.
Përditësimi mund të përdoret ose si një nxitës për njerëzit që kanë bërë tashmë një vaksinë tjetër ose mund të përdoret më vete për ata që janë ende të pavaksinuar. Njoftimi vjen pasi ekipi mori një nxitje të madhe në zhvillimin e tyre të vaksinsës nga një studim që sugjeroi se mund të shkurtojë transmetimin deri në dy të tretat dhe një dozë e vetme mund të parandalojë 76 përqind të sëmundjeve të rënda për tre muaj, me rritjen në 82 përqind pas dozës së dytë.
Vaksinat ka të ngjarë të azhornohen me kalimin e kohës për të përballuar variante të mutuara të koronavirusit sepse ato krijojnë molekula specifike për të synuar virusin. Një nga mënyrat kryesore që sistemi imunitar shkatërron viruset, por jo e vetmja, është duke përdorur antitrupa, por këto zakonisht janë unike për çdo virus të ndryshëm dhe duhet të bëhen nga e para.
Vaksinimi i dikujt fut një pjesë të virusit në trup në mënyrë që sistemi imunitar të formojë antitrupa ndaj tij dhe më pas t’i ruajë në rast se bie në kontakt me virusin e vërtetë, të gjallë në të ardhmen.
