Një ilaç që përdoret zakonisht për të trajtuar një sëmundje respiratore mund të parandalojë nevojën për shtesë oksigjeni tek pacientët e shtruar me Covid.
Akademikët brazilianë pretendojnë se colchicine mund t'u jepet pacientëve të spitalit që luftojnë me Covid të moderuar deri të rëndë për t'i ndihmuar ata të shërohen më shpejt.
Studimi prej 75 personash tregoi se pilula 30p ndihmoi në uljen e kohës që pacientëve u duheshin tubat e rrugëve të frymëmarrjes me më shumë se një të tretën, nga gjashtë e gjysmë në katër ditë. Colchicine është përdorur tashmë për të trajtuar dhe parandaluar inflamacionin sistemik, dhe rastet më të këqija të koronavirusit.
Medikamenti rrjedh nga lulja toksike e krokusit të vjeshtës, e gjetur në Britani dhe Evropë. Ilaçi, i quajtur si Colcrys, ndalon qelizat e bardha të gjakut nga reagimi i tepërt në infeksion, gjë që mund të çojë në dështim të organeve dhe vdekje.
Javën e kaluar një studim nga shkencëtarët Kanadezë zbuloi se një dozë ditore e së njëjtës pilulë uli rrezikun e pacientëve të sëmurë rëndë nga Covid në spital me 25 për qind. Simptomat e tyre varionin nga ethet, vështirësia në frymëmarrje dhe pneumonia deri te ritmet e shpejta të frymëmarrjes prej 30 ose më shumë herë në minutë dhe nivele të ulëta të oksigjenit.
Pacientët morën ose trajtim standard plus 0.5mg colchicine tri herë në ditë për pesë ditë, e ndjekur nga e njëjta dozë dy herë në ditë për pesë ditë, ose trajtim standard plus një ilaç placebo. Colchicine mund të konsiderohet si një terapi shtesë për pacientët e shtruar në spital me Covid mesatar deri të rëndë.
