Dridhjet në tokë të shkaktuara nga trafiku dhe puna industriale u përgjysmuan globalisht gjatë bllokimit të koronavirusit, tregon një studim.
Distancimi social, më pak makina në rrugë dhe rënia në turizëm dhe udhëtime rezultoi në 'periudhën e qetë më të gjatë dhe më të theksuar' të zhurmës sizmike e regjistruar ndonjëherë.
Zhurma sizmike i referohet dridhjeve në tokë, të shkaktuara nga trafiku ose makineritë e rënda dhe fenomenet natyrore siç janë tërmetet dhe moti i pafavorshëm. Zhurma sizmike globale e shkaktuar nga njerëzit (antropogjene) ra me 50 për qind që nga marsi kur shtetet hynë në bllokim për të ndaluar përhapjen e SARS-CoV-2.
Kjo e bëri atë edhe më të qetë se një Krishtlindje normale para-pandemike, e cila është tradicionalisht koha më e qetë e vitit për aktivitetin sizmik të shkaktuar nga njerëzit. Rëniet më të mëdha të zhurmës sizmike u regjistruan në zonat më të populluara në botë, si Singapori dhe New York City.
Javët gjatë bllokimit ishin periudha më e qetë që kemi regjistruar, tha sizmologu John Clinton në Shërbimin Sizmologjik Zviceran, duke iu referuar arkivave të të dhënave që mbulojnë 20 vitet e fundit. Me zhurmën njerëzore gjithmonë në rritje, ka shumë të ngjarë që ajo të ishte periudha më e qetë për një kohë shumë të gjatë.
Lockdown u dha gjeoshkencëtarëve një mundësi për të dalluar ngjarje natyrore që përndryshe mund të kishin mbetur të pazbuluara, veçanërisht gjatë ditës kur ka më shumë zhurmë të shkaktuar nga njerëzit.
Kjo qetësi relative i lejoi studiuesit të dëgjonin sinjalet e tokës të fshehura më parë dhe mund të ndihmonte në dallimin midis zhurmës sizmike njerëzore dhe natyrore më qartë se kurrë më parë.
