Secondary Adv

Hoteli me i mire ne bote per 2015

Share on Google+

 

Nëse deri tani keni pyetur se ku është parajsa, TripAdvisor e ka gjetur atë. Hoteli më i mirë për 2015 është Gili Lankanfushi në Maldive, në një ishull të vogël koralor, në një lagunë me ujë të kristaltë.

 

 

Gili Lankanfushi, është i vendosur në ishullin privat tropikal të Lankanfushi në Malé Atoll. Resorti përbëhet nga 45 vila mbi ujë, që do të thotë se çdo turist përjeton një ‘copë’ parajsë.Në hotel ju do të jeni plotësisht të izoluar, pasi nuk do të merrni asnjë informacion, asnjë lajm, ajo që do t’ju ofrohet është një pamje magjepse nga deti i kristaltë dhe natyra tropikale, ndërkohë që do të jeni gjatë gjithë kohës të shoqëruar nga një shërbim personal.

 



I vendosur në ishullin privat tropikal të Lankanfushi në Malé Atoll, ky hotel magjepsës pret një numër të madh klientësh, si edhe ofron një sërë aktivitetesh. Dy herë në jave pushuesit mund të shohin film në një kinema në natyrë, njëkohësisht si dhe të rezervojnë atë për pjesën tjetër të javës.Nëse jeni të apasionuar mbas sporteve provoni, zhytjet dhe peshkimin në thellësi, si edhe tenisin. Njëkohësisht nëse doni më shumë relaks dhe përkujdesje, në këtë vendpushim do të gjeni edhe një spa.

 


Duke filluar nga shkurti deri në prill, hoteli pret një fluks vizitorësh. Ndaj nëse do të dëshironit të kalonit pushimet në këtë ‘copëz’ parajsë, planifikoni të udhëtoni nga maji deri në nëntor, pasi jo vetëm do të keni një klimë perfekte por edhe cmimet do të jenë shumë herë më të lira.Dikur Soneva Gili, dhe sot hoteli luksoz Gili Lankanfushi, zë vetëm një pjesë të vogël të lagunës, të rrethuar me shkëmbij koralorë nënujorë. Për të shkuar në këtë parajsë tropikale ju duhen vetëm njëzet minuta me motoskaf nga aeroporti ndërkombëtar i Male.

 



Ja lista me 10 hotelet më të mira në botë për 2015
1. Gili Lankanfushi Maldive, Lankanfushi
2. Nayara Hotel, Spa & Gardens, La Fortuna de San Carlos, Kosta Rika
3. Shinta Mani Club Siem Reap, Siem Reap, Kamboxhia
4. Four Seasons Hotel Gresham Palace, Budapest, Hungari
5. Belmond Palacio Nazarenas, Cusco, Peru
6. Cocoa Island by COMO, Ishulli Cocoa
7. Hotel Alpin Spa Tuxerhof, Tux, Austri
8. Al Maha Resort & Spa, Muraqaba, Emiratet e Bashkuara Arabe
9. Hotel Estalagem St Hubertus, Gramado, Brazil
10. Tambo del Inka, a Luxury Collection Resort & Spa, Urubamba, Peru


Më të lexuarat