Vaksina Oxford/AstraZeneca është 100 % efektive në mbajtjen e njerëzve jashtë spitalit dhe uljen e vdekjeve nga sëmundja, ka konfirmuar një studim i SHBA.
Një provë shtesë e vaksinës në SH.B.A. zbuloi se ishte më efektive sesa ishte në hulumtimin e MB, duke parandaluar 79 përqind të të gjitha infeksioneve, dhe askush nuk u sëmur rëndë.
Dhe vaksina funksionon po aq mirë tek njerëzit mbi 65 vjeç dhe nuk rrit rrezikun e mpiksjes së gjakut, zbuloi gjithashtu studimi, i cili është një nxitje për besimin pasi shqetësimet e sigurisë në Evropë tronditën besimin e publikut tek vaksina javën e kaluar. Autoritetet amerikane kishin këmbëngulur se vaksina ishte provuar në SHBA para se të binin dakord ta miratonin atë dhe hulumtimi shtesë i shton provës se ajo funksionon mirë.
Rreth 32,449 njerëz në të gjitha grupmoshat morën pjesë në provën e fazës tre në SH.B.A., Kili dhe Peru, me një total prej 141 rastesh të raportuara simptomatike Covid-19. Rreth dy të tretat e të gjithë pjesëmarrësve kishin vaksinën e vërtetë, 21,583 dhe pjesa tjetër morën një vaksinë të rreme të quajtur placebo në mënyrë që efektet të mund të krahasoheshin.
Rezultatet treguan se midis njerëzve të moshës 65 vjeç e lart, kishte 80 përqind mbrojtje ndaj zhvillimit të Covid-19, tha Oxford. Kjo vjen pasi zyrtarë në Evropë, të cilët kishin njollosur vaksinën në një rast tjetër, pretenduan se vaksina nuk funksiononte tek njerëzit mbi 55 vjeç dhe u përpoqën të parandalonin që ajo të përdorej tek të moshuarit.
Në përgjithësi, studimi zbuloi se efektiviteti i vaksinës kundër Covidit simptomatik ishte edhe më i lartë sesa kishte qenë në provat origjinale që u zhvilluan në MB, Afrikën e Jugut dhe Brazil.
